நேபாளத்தில் வரலாறு காணாத பேரிடர்

ஈஷா குழுவினரின் நிலை குறித்து ஜக்கி வாசுதேவ் வெளியிட்ட வீடியோ தகவல்

• 80 பேரின் நிலை என்ன?: “ஈஷா யோக மையம் சார்பில் 700-க்கும் மேற்பட்டோர் நேபாளத்திற்குச் சுற்றுலா சென்றனர். அவர்களில் 80 பேரின் நிலைமை என்னவென்று இதுவரை அறிய முடியவில்லை.
• யார் அந்த 80 பேர்?: மாயமான இவர்களில் அமெரிக்கா, கனடா, ஆஸ்திரேலியா, ஜெர்மனி, நெதர்லாந்து, சிங்கப்பூர், ஸ்பெயின் மற்றும் நேபாளம் ஆகிய நாடுகளைச் சேர்ந்த 46 பெண்களும், 34 ஆண்களும் அடங்குவர். இக்குழுவில் 3 தன்னார்வலர்களும் 1 மருத்துவரும் உடன் இருந்தனர்.
• கடைசி தகவல்: சுமார் 20 ஆண்டுகளாக ஈஷாவுடன் பயணித்து வரும் குழுத் தலைவர் பிரவீன், நேற்று காலை 9.05 மணிக்குத் தூதரக முகாமை அடைந்துவிட்டதாக எனக்குக் குறுஞ்செய்தி அனுப்பினார். ஆனால், 9.14 மணிக்கு இந்தப் பேரிடர் நிகழ்ந்துள்ளது. தற்போது பிரவீனின் அலைபேசி தொடர்பு துண்டிக்கப்பட்டுள்ளது.
• தூதரக முகாமில் தவிப்பு?: பேரிடர் நிகழ்ந்த போது ஒட்டுமொத்தக் குழுவினரும் தூதரக முகாம் அறையில்தான் இருந்திருக்க வாய்ப்புள்ளது. இதற்கிடையே, 4.9 ரிக்டர் அளவில் நிலநடுக்கம் ஏற்பட்டதே இதற்குக் காரணம் எனச் சிலர் கூறுகின்றனர், சிலர் அதை மறுக்கின்றனர். எவ்வளவு பேர் உயிரிழந்துள்ளனர் என்ற தெளிவான தகவலும் இன்னும் வரவில்லை.
• மீட்புப் பணிகளுக்கான முயற்சி: மாயமானவர்களை மீட்க இந்தியா, அமெரிக்கா, சீனா ஆகிய நாடுகளின் தூதரகங்கள் மூலம் பல்வேறு கட்ட முயற்சிகளை எடுத்து வருகிறோம். நான் அங்கு நேரில் செல்லவும், மீட்புப் பணிகளில் எங்களை அனுமதிக்கவும் கோரியுள்ளேன். கடந்த 12 மணி நேரமாக எவ்விதச் சரியான தகவலும் இன்றிப் போராடி வருகிறோம். மாயமானவர்களின் குடும்பத்தினருக்குத் தகவல் தெரிவிக்கப்பட்டுள்ளது.”