நல்லூர் வீதியில் அமைந்துள்ள தியாக தீபம் திலீபனின் நினைவிடத்தில் அவரது உருவாச்சிலையை வைத்தமை தொடர்பில் சுமார் எட்டு பேரிடம் யாழ்ப்பாண குற்ற தடுப்பு பிரிவினர் வாக்குமூலங்களை பதிவு செய்துள்ளனர்.
குறித்த சம்பவம் தொடர்பில் தெரிய வருவதாவது, நல்லூர் பின் வீதியில் அமைந்துள்ள தியாக தீபம் திலீபனின் நினைவிடத்தில் புதிதாக சிலை ஒன்று வைக்கப்பட்டது.
குறித்த சிலையானது கடந்த 27ஆம் திகதி யாழ்ப்பாண பொலிஸாரால் எடுத்து செல்லப்பட்டது.
குறித்த சம்பவம் தொடர்பில் ஏற்கனவே யாழ்ப்பாண மாநகர முதல்வர் மற்றும் ஆணையாளரிடம் வாக்குமூலங்கள் பெறப்பட்ட நிலையில் தமிழ் தேசிய மக்கள் முன்னணியைச் சேர்ந்த ஆறு பேரிடம் வாக்குமூலங்கள் பெறப்பட்டது.
குறித்த வாக்குமூலங்களை யாழ்ப்பாண குற்ற தடுப்பு பிரிவினர் பெற்ற நிலையில் நீதிமன்றத்தில் அறிக்கை சமர்ப்பிக்க வாய்ப்புள்ளதாக தெரிவிக்கப்பட்டுள்ளது.
