சென்னை:
தமிழக வெற்றிக் கழகம் ஆட்சியமைக்க அதிமுக ஆதரவு அளிக்காது என்று அக்கட்சியின் முன்னாள் அமைச்சர் ஓ.எஸ். மணியன் திட்டவட்டமாகத் தெரிவித்துள்ளார். சென்னை கிரீன்வேஸ் சாலையில் உள்ள அதிமுக பொதுச்செயலாளர் எடப்பாடி பழனிசாமி இல்லத்தில் இன்று நடைபெற்ற ஆலோசனைக்குப் பிறகு செய்தியாளர்களைச் சந்தித்த அவர் இதனைத் தெளிவுபடுத்தினார்.
முன்னதாக, லால்குடி அதிமுக எம்.எல்.ஏ லீமா ரோஸ் மார்டின், தவெக மற்றும் அதிமுக இடையே பேச்சுவார்த்தை நடப்பதாகவும் எடப்பாடி பழனிசாமி முதல்வராக வாய்ப்புள்ளதாகவும் கூறி அரசியல் களத்தில் பெரும் பரபரப்பை ஏற்படுத்தியிருந்தார். 108 இடங்களை வென்றுள்ள தவெக-விற்குப் பெரும்பான்மையை நிரூபிக்க இன்னும் 10-க்கும் மேற்பட்ட இடங்கள் தேவைப்படும் நிலையில், 47 இடங்களை வைத்துள்ள அதிமுக-வின் ஆதரவைத் திரட்ட விஜய் தரப்பு முயன்றதாகக் கூறப்பட்டது. ஆனால், “தவெக-விற்கு அதிமுக ஆதரவு தருமா?” என்ற கேள்விக்கு “இல்லை” என ஒற்றைச் சொல்லில் பதிலளித்த ஓ.எஸ். மணியன், லீமா ரோஸின் கருத்தை முழுமையாக மறுத்துள்ளார். இந்த அறிவிப்பு தவெக-வின் மெஜாரிட்டி கனவிற்குப் பெரும் முட்டுக்கட்டையாக அமைந்துள்ளது. அதிமுக-வின் இந்த முடிவால், விஜய் இனி காங்கிரஸ், பாமக அல்லது கம்யூனிஸ்ட் கட்சிகளின் ஆதரவை மட்டுமே முழுமையாக நம்ப வேண்டிய கட்டாயத்திற்குத் தள்ளப்பட்டுள்ளார்.
#OSManian #EPS #ADMK #Vijay #TVK #NoSupport #BreakingNews #May6 #TamilNaduPolitics #LeemaRoseMartin #PoliticalClarity #ThalapathyVijay #MajorityMark #ElectionResults2026 #Stalin #DravidianPolitics #NewEraTN #VijayAsCM #PoliticalUpset #TNAssemblyUpdate_“`
