கோவை
நடிகர் தனுஷ் ரசிகர் மன்றத்தினர் தொகுதி வாரியாக உறுப்பினர்களைச் சேர்த்து வரும் நிலையில், அவரது அரசியல் பயணம் குறித்த கேள்விக்குத் தமிழ்நாட்டின் அமைச்சரும், கோவை வடக்கு தொகுதி தவெக எம்.எல்.ஏ.வுமான சம்பத்குமார் அதிரடியாகப் பதிலளித்துள்ளார்.
தனுஷின் அரசியல் பயணம் குறித்துக் கேள்வி:
கோவையில் இன்று செய்தியாளர்களைச் சந்தித்த அமைச்சர் சம்பத்குமாரிடம், “கோவை மாவட்டத்தில் நடிகர் தனுஷ் ரசிகர் மன்றம் சார்பில் தொகுதி வாரியாக உறுப்பினர்களைச் சேர்க்கும் பணிகள் தீவிரமாக நடைபெற்று வருகின்றன. முதலமைச்சர் விஜய் அவர்களின் பாணியிலேயே நடிகர் தனுஷும் தனது அரசியல் பயணத்தைத் தொடங்குகிறாரா?” என்ற கேள்வி எழுப்பப்பட்டது.
அமைச்சர் அளித்த அதிரடி பதில்:
இதற்குப் பதிலளித்துப் பேசிய அமைச்சர் சம்பத்குமார், “ஜனநாயக நாட்டில் யார் வேண்டுமானாலும் கட்சி ஆரம்பித்து, மக்களைச் சந்தித்து வாக்கு கேட்கலாம். அதற்கான உரிமை சட்டப்படி இங்கு எல்லோருக்கும் இருக்கிறது. ஆனால், தங்களை யார் ஆட்சி செய்ய வேண்டும் என்பதைத் வாக்களிக்கும் மக்களே முடிவு செய்யப் போகிறார்கள்,” என்று தெரிவித்தார்.
மக்களின் ஆதரவு தவெகவிற்கே:
தொடர்ந்து பேசிய அவர், “இன்று தமிழ்நாட்டு மக்கள் எங்களை முழுமையாக ஏற்றுக்கொண்டிருக்கிறார்கள். அதனால்தான் முதலமைச்சர் விஜய் அவர்களின் சிறந்த தலைமையின் கீழ் தமிழகத்தில் சிறப்பான ஆட்சி நடைபெற்றுக் கொண்டிருக்கிறது,” என்று பெருமிதத்துடன் கூறினார்.
#ActorDhanush #DhanushPolitics #MinisterSampathkumar #ChiefMinisterVijay #ThalapathyVijay #TVKGovernment #Coimbatore #TNPolitics #TamilNaduNews #ViralNewsTN #TrendingTN #LatestNewsTN #TNNewsUpdates
