கியூபெக் மாகாணத்தின் அதிகாரப்பூர்வ அரச சின்னத்திலிருந்து பிரித்தானிய அரசக் கிரீடத்தை அகற்ற உள்ளதாக கியூபெக் அரசு அறிவித்துள்ளது.
நீதித்துறை அமைச்சர் சைமன் ஜோலின்-பரெட் மற்றும் பிரெஞ்சு மொழித் துறை அமைச்சர் ஜீன்-ஃப்ரான்சுவா ரோபெர்ஜ் ஆகியோர், இந்த முடிவு கியூபெக் தேசத்தின் தன்னாட்சியை மீண்டும் உறுதிப்படுத்துவதாக தெரிவித்துள்ளனர்.
கியூபெக் அரசச் சின்னம், ஒரு கவசத்தின் மேற்பகுதியில் அமைந்துள்ள கிரீடம், அதில் மூன்று தங்க லில்லி மலர்கள் (fleurs-de-lis), தங்க நிறச் சிங்கம் — இது பிரித்தானிய அரசையும் பிரதிநிதித்துவப்படுத்துகிறது — மேலும் மூன்று பச்சை மேபிள் இலைகள் ஆகியவற்றைக் கொண்டதாக உள்ளது. சிங்கச் சின்னம் அகற்றப்படவில்லை.
1868 ஆம் ஆண்டில் ராணி விக்டோரியா கியூபெக்கிற்கு அதன் அதிகாரப்பூர்வ சின்னத்தை வழங்கினார். எனினும், டியூடர் பாணியிலான கிரீடம் 1939 ஆம் ஆண்டில் மாகாண முழக்கமான “Je me souviens” (நான் நினைவுகூர்கிறேன்) என்பதுடன் சேர்க்கப்பட்டதாக கியூபெக் அரசு தெரிவிக்கிறது.
இந்த மாற்றம் சில அதிகாரப்பூர்வ கடிதத் தொடர்புகளில் அமல்படுத்தப்படும் என்றும், எதிர்காலத்தில் துணை ஆளுநர் வழங்கும் பதக்கங்களிலும் பயன்படுத்தப்படும் என்றும் அரசு கூறியுள்ளது.
பாரம்பரியப் பாதுகாப்பு காரணங்களுக்காக, அரசுக் கட்டிடங்கள் அல்லது அரசுப் பொருட்களில் காணப்படும் சின்னங்கள் மாற்றப்படமாட்டாது என்றும் அரசு தெரிவித்துள்ளது.
