நோவா ஸ்கோடியா, லோயர் சாக்வில் (Lower Sackville) பகுதியில் வெள்ளிக்கிழமை இரவு நடந்த தொடர் சம்பவங்களைத் தொடர்ந்து ஒரு சிறுவர் குழு மீது வழக்குப்பதிவு செய்யப்பட்டுள்ளதாக போலீசார் தெரிவித்துள்ளனர்.
இரவு 11 மணிக்கு முன், சாக்வில் டிரைவ் 700 பகுதியில் உணவு விநியோகம் செய்யும் தனியார் வாகனம் ஒன்றை முகமூடி அணிந்த இரு சிறுவர்கள் திருட முயன்றனர். முயற்சி தோல்வியடைந்ததையடுத்து அவர்கள் தப்பி ஓடினர்.
தேடுதல் வேட்டையின் போது, சாக்வில் டிரைவ் 600 பகுதியில் உள்ள ஒரு உணவகத்திலிருந்து ஒரு ஹோண்டா சிவிக் (Honda Civic) கார் திருடப்பட்டதை போலீசார் கண்டறிந்தனர்.
அந்த கார் அதிவேகமாக ஓல்ட் பீவர் பேங்க் சாலை வழியாகச் செல்வதை போலீசார் கவனித்தனர். இரவு முழுவதும் அந்த கார் போலீசாரிடம் சிக்காமல் தப்பிச் சென்றது.
அதிகாலை 4:10 மணியளவில், வேவர்லி (Waverley) பகுதியில் உள்ள நெடுஞ்சாலை 118-ல் போலீசார் காரை மறித்து மூன்று சிறுவர்களைக் கைது செய்தனர். காரில் இருந்து திருடப்பட்ட பொருட்கள், ஒரு எரிச்சலூட்டும் தெளிப்பான் (sensory irritant spray) மற்றும் இரண்டு முகமூடிகள் பறிமுதல் செய்யப்பட்டன.
$5,000-க்கும் அதிகமான மதிப்புள்ள திருட்டுப் பொருளை வைத்திருந்ததாகக் குற்றம் சாட்டப்பட்டு விடுவிக்கப்பட்டனர். இதில் ஒரு சிறுவர் மீது நீதிமன்ற உத்தரவை மீறிய குற்றச்சாட்டும் (failure to comply with an undertaking) உள்ளது.
இவர் காவலில் வைக்கப்பட்டுள்ளார். இவர் மீது பின்வரும் குற்றச்சாட்டுகள் சுமத்தப்பட்டுள்ளன.
குற்றச் செயலின் மூலம் பெறப்பட்ட சொத்தை வைத்திருத்தல்.
ஆபத்தான முறையில் வாகனத்தை ஓட்டுதல்.
பொலிசிலிருந்து இருந்து தப்பித்தல் (Flight from police).
இவர்கள் அனைவரும் பின்னர் ஒரு தேதியில் சிறுவர் மாகாண நீதிமன்றத்தில் முன்னிலைப்படுத்தப்படுவார்கள்.
