ராமேஸ்வரம்
இலங்கை கச்சத்தீவு – தலைமன்னார் இடையே மீன்பிடித்துக் கொண்டிருந்த 9 தமிழக மீனவர்களை இலங்கை கடற்படையினர் அதிரடியாகக் கைது செய்துள்ள சம்பவம் ராமேஸ்வரம் பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.
9 மீனவர்கள் கைது – படகுகள் பறிமுதல்:
ராமேஸ்வரத்தில் இருந்து நேற்று 400-க்கும் மேற்பட்ட விசைப்படகுகளில் கடலுக்குச் சென்ற 2,000-க்கும் மேற்பட்ட மீனவர்களில், கச்சத்தீவு அருகே மீன்பிடித்துக் கொண்டிருந்த 9 மீனவர்களை இலங்கை கடற்படையினர் எல்லை தாண்டியதாகக் கூறி சுற்றி வளைத்துக் கைது செய்தனர். மேலும், அவர்களின் விசைப்படகுகளையும் பறிமுதல் செய்து மன்னார் கடற்படை முகாமிற்கு அழைத்துச் சென்று விசாரணை நடத்தி வருகின்றனர்.
மீனவர் குடும்பத்தினர் சோகம்:
கைது செய்யப்பட்டுள்ள 9 மீனவர்களையும் இன்று இலங்கை நீதிமன்றத்தில் ஆஜர்படுத்தி சிறையில் அடைக்கும் நடவடிக்கைகளில் அந்நாட்டு கடற்படை ஈடுபட்டு வருகிறது. இதனால் ராமேஸ்வரம் மீனவ கிராம மக்கள் மற்றும் குடும்பத்தினர் சோகத்தில் ஆழ்ந்துள்ளனர். சிறைபிடிக்கப்பட்ட மீனவர்களையும் படகுகளையும் உடனடியாக விடுவிக்கத் தமிழ்நாடு அரசு விரைந்து நடவடிக்கை எடுக்க வேண்டும் என அவர்கள் கண்ணீருடன் கோரிக்கை விடுத்துள்ளனர்.
முதலமைச்சர் விஜய் நடவடிக்கை:
கடந்த வாரம்தான் ராமநாதபுரத்தைச் சேர்ந்த 11 மீனவர்கள் இலங்கை கடற்படையினரால் கைது செய்யப்பட்ட நிலையில், அவர்களை உடனடியாக விடுதலை செய்ய வலியுறுத்தி மத்திய வெளியுறவுத்துறை அமைச்சர் எஸ். ஜெய்சங்கருக்கு முதலமைச்சர் ச. ஜோசப் விஜய் கடிதம் எழுதியிருந்தார் என்பது குறிப்பிடத்தக்கது.
#Kachchatheevu #Rameswaram #TamilNaduFishermen #SriLankanNavy #ChiefMinisterVijay #JosephVijay #TVKGovernment #TamilNaduNews #TNNewsUpdates #ViralNewsTN #TrendingTN #LatestNewsTN
