மட்டக்களப்பு – ஏறாவூர் பிரதேசத்தில் போதைப்பொருள் வியாபாரி ஒருவரின் வீட்டை முற்றுகையிட்ட பொலிஸார் இருவரை போதைப்பொருளுடன் கைது செய்துள்ளதாக மாவட்ட குற்ற விசாரணைப் பிரிவு பொலிஸார் தெரிவித்தனர்.
மாவட்ட குற்ற விசாரணைப் பிரிவு பொலிஸாருக்கு கிடைத்த தகவல் ஒன்றினையடுத்து மாவட்ட சிரேஷ்ட பொலிஸ் அத்தியட்சகர் லலீத் லீலாரெத்தினவின் ஆலோசனைக்கு அமைய மாவட்ட குற்ற விசாரணைப் பிரிவு பொறுப்பதிகாரி தலைமையிலான பொலிஸ் குழுவினர் சம்பவ தினமான நேற்று இரவு 10 மணியளவில் ஏறாவூர் முதலாம் பிரிவு நூலக வீதியிலுள்ள போதைப்பொருள் வியாபாரியின் வீட்டை முற்றுகையிட்டனர்.
இதன்போது வியாபாரத்தில் ஈடுபட்டுக் கொண்டிருந்த வியாபாரியிடம் இருந்து 5840 மில்லிகிராம் ஐஸ் போதைப்பொருளை கைப்பற்றிய நிலையில் வீட்டை சோதனையிட்ட போது மேலும் 100 மில்லிகிராம் ஐஸ் போதைப்பொருளை மீட்டுள்ளனர்.
அத்துடன் அங்கு போதை வியாபாரியுடன் இருந்த வாழைச்சேனை பொலிஸ் நிலையத்தில் கடமையாற்றி வரும் மாவட்ட பொலிஸ் புலனாய்வு பிரிவு கொஸ்தாப்பர் உட்பட இருவரையும் கைது செய்து ஏறாவூர் பொலிஸாரிடம் ஒப்படைத்துள்ளதாக பொலிஸார் தெரிவித்தனர்.
இச்சம்பவத்தில் கைது செய்யப்பட்ட இருவரையும் பொலிஸ் தடுப்பு காவலில் தடுத்து வைத்து விசாரணை செய்வதற்கு நீதிமன்ற அனுமதியை பெறுவதற்கான நடவடிக்கையை முன்னெடுத்து வருவதாக பொலிஸார் தெரிவித்தனர்.
இது தொடர்பான மேலதிக விசாரணைகளை மாவட்ட குற்ற விசாரணைப் பிரிவினர் மேற்கொண்டு வருகின்றனர்.
மத்திய கிழக்கு போர்கள் காரணமாக உலகளவில் ஏற்பட்டுள்ள நெருக்கடிகளுக்கு மத்தியில், இலங்கைக்குத் தேவையான எரிபொருள் மற்றும் உர உதவிகளை சீனா தொடர்ந்து வழங்கி வருவதாக இலங்கையிலுள்ள சீனத் தூதுவர் சி சென்ஹொங் (Qi Zhenhong) தெரிவித்துள்ளார்.
இலங்கை எப்போதெல்லாம் இன்னல்களைச் சந்திக்கிறதோ, அப்போதெல்லாம் சீனா எப்போதும் முதன்முதலாக உதவிக்கரம் நீட்டி வருவதாகத் தூதுவர் வலியுறுத்தினார். தற்போதைய சர்வதேச நெருக்கடி நிலைக்கு மத்தியிலும், எரிபொருள் தட்டுப்பாடு மற்றும் விவசாயத் துறை சார்ந்த சவால்களை முறியடிக்க சீனா இலங்கைக்குத் துணையாக இருப்பதாக அவர் கூறினார்.
எரிபொருள் விநியோகத்தைப் பெற்றுக்கொள்வதற்காக இலங்கை பல நாடுகளுடன் பேச்சுவார்த்தை நடத்தி வரும் நிலையில், இதுவரை எரிபொருள் உதவியை வழங்கிய ஒரே நாடு சீனா மட்டுமே என்று தூதுவர் சி குறிப்பிட்டார். “சீனா மட்டுமே, சீனா மட்டுமே இதுவரை எரிபொருள் உதவியை வழங்கியுள்ளது,” என்று அவர் அழுத்தமாகக் கூறினார்.
சீனா தனது எண்ணெய்த் தேவையில் 76 சதவீதத்திற்கும் அதிகமானவற்றை இறக்குமதி செய்வதன் மூலம் எரிபொருள் தட்டுப்பாட்டை எதிர்கொண்ட போதிலும், இலங்கையின் சுமையைப் பகிர்ந்து கொள்வதாக அவர் குறிப்பிட்டார். தனது சொந்தத் தேவைகளுக்காக இறக்குமதியைச் சார்ந்திருந்தாலும், இலங்கையின் சிரமங்களைப் போக்க சீனா தன்னால் இயன்ற அனைத்து முயற்சிகளையும் எடுத்து வருகிறது என்றார்.
சினோபெக் (Sinopec) நிறுவனம் மூலமான எரிபொருள் விநியோகம் குறித்து விளக்கிய அவர், கடந்த மாதம் ஒரு கப்பல் இலங்கையை வந்தடைந்ததாகவும், போக்குவரத்துச் சவால்களை முறியடித்து இந்த மாதமும் மற்றுமொரு விநியோகம் மேற்கொள்ளப்பட்டுள்ளதாகவும் தெரிவித்தார். இவை தவிர, சீன அரசாங்கம் நேரடியாகவும் இலங்கைக்கான எரிபொருள் உதவியைத் தொடரும் என்று அவர் உறுதிப்படுத்தினார்.
எரிபொருள் மட்டுமன்றி, இலங்கையின் விவசாயத் துறைக்கும், குறிப்பாக சிறுபோக (Yala season) நெல் உற்பத்திக்கு அவசியமான உர விநியோகத்திற்கும் சீனா தொடர்ந்து ஆதரவளித்து வருகிறது.
யூரியா உரத்தைத் தயாரிக்கத் தேவையான இயற்கை எரிவாயு தட்டுப்பாடு காரணமாக உலகளவில் உரத் தட்டுப்பாடு நிலவுவதைச் சுட்டிக்காட்டிய தூதுவர், “திரவ இயற்கை எரிவாயு (LNG) இல்லாமல் யூரியாவைத் தயாரிக்க முடியாது,” என்றார். இத்தகைய தடைகள் இருந்தபோதிலும், சிறுபோகத்தில் விவசாயிகள் நெற்பயிர்ச் செய்கையைத் தடையின்றி மேற்கொள்ளத் தேவையான உரத்தை சீனா இலங்கைக்கு ஏற்றுமதி செய்யும் என்பதை அவர் உறுதிப்படுத்தினார்.
