402 ஆயுர்வேத, சித்த மற்றும் யுனானி மருத்துவப் பட்டதாரிகளுக்கு உள்ளகப் பயிற்சி நியமனக் கடிதங்கள் சுகாதார மற்றும் வெகுஜன ஊடகத்துறை அமைச்சர் நளிந்த ஜெயதிஸ்ஸ தலைமையில் வழங்கி வைக்கப்பட்டன.

402 ஆயுர்வேத, சித்த மற்றும் யுனானி மருத்துவப் பட்டதாரிகளுக்கு உள்ளகப் பயிற்சி நியமனக் கடிதங்கள் வழங்கும் விழா கொழும்புப் பல்கலைக்கழகத்தின் பட்ட மேற்படிப்பு பீடத்தில் செவ்வாய்க்கிழமை (28) நடைபெற்றது.

இந்த நிகழ்வில் கலந்துக்கொண்டு மேலும் உரையாற்றுகையில்,

இந்த ஆயுர்வேதப் பட்டதாரிகள், கொழும்புப் பல்கலைக்கழகத்தின் சுதேச மருத்துவப் பீடம், கம்பஹா விக்கிரமராட்சி சுதேச மருத்துவப் பல்கலைக்கழகத்தின் சுதேச மருத்துவப் பீடம், யாழ்ப்பாணப் பல்கலைக்கழகத்தின் சித்த மருத்துவப் பீடம் மற்றும் கிழக்கு பல்கலைக்கழகத்தின் சித்த மருத்துவப் பீடம் ஆகியவற்றில் ஐந்தாண்டுப் பட்டப்படிப்பை முடித்து, 2017 – 2018 கல்வியாண்டுகளுக்குரிய பட்டபடிப்பை நிறைவு செய்தவர்கள் ஆவார்.

இந்தப் பட்டதாரிகள், சிறப்பு மருத்துவர்கள் இல்லாத மருத்துவமனைகளின் பொறுப்பில் உள்ள முதல் தர மருத்துவர்களின் நேரடி மேற்பார்வையின் கீழ், போதனா வைத்தியசாலைகள், ஆயுர்வேத ஆராய்ச்சி நிறுவனங்கள், மாகாண ஆயுர்வேதத் துறைகள் ஆகியவற்றில் ஓராண்டு காலத்திற்கு உள்ளகப் பயிற்சி பெற உள்ளனர்.

உள்ளகப் பயிற்சியை வெற்றிகரமாக முடிக்கும் இவர்கள், ஆயுர்வேத மருத்துவ மன்றத்தில் ஆயுர்வேத மருத்துவராகப் பதிவு பெற வேண்டும். இந்தப் பயிற்சியாளர்களுக்கு சுகாதார மற்றும் வெகுஜன ஊடக அமைச்சகத்தால் மாதாந்திர உள்ளகப் பயிற்சி உதவித்தொகை வழங்கப்படும்.

இந்த 402 பட்டதாரிகளில், 249 பேர் ஆயுர்வேதத் துறையிலும், 109 பேர் சித்தத் துறையிலும், 44 பேர் யுனானித் துறையிலும் உள்ளகப் பயிற்சி பெற உள்ளனர்.

நியமனங்களை வழங்கிய பின் கருத்து தெரிவித்த அமைச்சர் அவர்கள்சுகாதார மற்றும் வெகுஜன ஊடக அமைச்சர் டாக்டர் நளிந்த ஜெயதிஸ்ஸ, நாடாக வளர்ச்சி அடைந்து வரும் இக்காலகட்டத்தில், நாட்டை முன்னேற்றுவதற்கு கடுமையான நிதி ஒழுக்கம் அவசியம்.

தித்வா புயலால் ஏற்பட்ட சேதங்களைச் சரிசெய்ய, வரிகளை உயர்த்தாமல் திறைசேரியிலிருந்து 500 மில்லியன் ரூபாயை ஒதுக்கீடு செய்ய முடியும். மேலும், இந்த ஆண்டு இறுதியில் தாக்கல் செய்யப்படவுள்ள நிதிநிலை அறிக்கையில், இந்த நோக்கத்திற்காக சுமார் 2,000 பில்லியன் ரூபாயை ஒதுக்கீடு செய்ய எதிர்பார்ப்பதாகவும், இதுவரையிலான நிதிநிலை அறிக்கை வரலாற்றில் மூலதனச் செலவினங்களுக்காக ஒதுக்கீடு செய்யப்படும் அதிகபட்சத் தொகையாக இது அமையும்.

அந்தப் பணம் சரியாகவும், இலக்கு நோக்கியும் செலவிடப்பட்டால் மட்டுமே பொருளாதார வளர்ச்சியை அடைய முடியும் என்றும், நிதி நிர்வாகத்தில் இலக்குகளை அடைவதே நமது குறிக்கோளாக இருக்க வேண்டும்.

சமூகம் மாற்றியமைக்கப்படும் போது சில தசாப்தங்களுக்கு முன்னர் இருந்தவாறு செய்ய முடியாது எனவும், சுகாதார அமைச்சு பயிற்சியளித்தால், தேவைக்கேற்ப பயிற்சியளிக்கப்படும். அந்த தேவை தனித்தனியாக இருந்தாலும், உயர்கல்வி அமைச்சினால் வழங்கப்படும் பட்டதாரிகள் அனைவரும் சுகாதார அமைச்சில் சேர்த்துக்கொள்ளப்படமாட்டார்கள்.

இந்த நிலைமையை இந்தக் குழு அனுபவித்து வருவதாகவும், மிகக் குறுகிய காலத்திற்குள் மேற்கத்திய மருத்துவப் பட்டதாரிகளும் இதே நிலையை எதிர்கொள்ள நேரிடும்.

அவர்களின் வெற்றிடங்கள் தற்போது நிறைவடைந்துள்ளதாக சுட்டிக்காட்டிய அமைச்சர், வெற்றிடங்களை அதிகரிக்க முயற்சித்தால் அதுவும் சில வருடங்களில் மட்டுப்படுத்தப்படும். எதிர்காலத்தில் காலி பணியிடங்களுக்கு வருபவர்கள் குறிப்பிட்ட அளவுகோல்களின்படி பணியில் சேர வேண்டும் என்றார்.

இந்நிகழ்வில் சுகாதார மற்றும் வெகுஜன ஊடக அமைச்சின் மேலதிக செயலாளர் சமந்தி ரணசிங்க, ஆயுர்வேத திணைக்கள ஆணையாளர் நாயகம் திப்தி சுமனசேன, தேசிய சுதேச மருத்துவ நிறுவகத்தின் பணிப்பாளர் இஷாஷா சதுரங்கயன மற்றும் மருத்துவ பட்டதாரிகள் குழுவினர் கலந்துகொண்டனர்.