மொன்டானா (Montana) மாகாணத்தில் உள்ள ‘ஸ்வீட்கிராஸ்’ (Sweetgrass) எல்லை நுழைவாயிலில் உள்ள வாகனம் ஒன்றிலிருந்து 109 கிலோகிராம் கொக்கெய்ன் (Cocaine) போதைப்பொருள் பறிமுதல் செய்யப்பட்டுள்ளதாக அமெரிக்க அதிகாரிகள் தெரிவித்துள்ளனர்.
அமெரிக்கக் குடிவரவு மற்றும் குடியகல்வு அமலாக்கத் துறை (Immigration and Customs Enforcement – ICE) முகவர்கள் தடுத்து நிறுத்திய போது, இந்திய நாட்டவர் இருவர் இந்த போதைப்பொருட்களை எல்லை கடத்திக் கடத்திச் செல்ல முயன்றதாக உள்நாட்டுப் பாதுகாப்புத் துறை (Department of Homeland Security) தெரிவித்துள்ளது.
எவ்வாறாயினும், பிடிபட்ட அந்த இரு நபர்களின் பெயர்களையும் அதிகாரிகள் இதுவரை வெளியிடவில்லை.
உள்நாட்டுப் பாதுகாப்புப் புலனாய்வுப் பிரிவினர் (Homeland Security Investigations) கூறுகையில், இந்த கொக்கெய்ன் போதைப்பொருள் வாகனத்திற்குள் மிகவும் நுணுக்கமாக மறைத்து வைக்கப்பட்டிருந்ததாகக் குறிப்பிட்டுள்ளனர். அமெரிக்க எல்லை மற்றும் சுங்கப் பாதுகாப்புப் பிரிவோடு (U.S. Customs and Border Protection) இணைந்து ஐசிஇ (ICE) முகவர்கள் இந்த வழக்கு குறித்த மேலதிக விசாரணைகளை மேற்கொண்டு வருகின்றனர்.
இந்தக் குற்றச்சாட்டுகள் இன்னும் நீதிமன்றத்தில் நிரூபிக்கப்படவில்லை என்பதுடன், குற்றம் நிரூபிக்கப்படும் வரை குற்றம் சாட்டப்பட்டவர்கள் நிரபராதிகள் என்றே கருதப்படுவர்.
