நாகப்பட்டினம்:
உலகப் புகழ்பெற்ற வேளாங்கண்ணி புனித ஆரோக்கிய மாதா பேராலயத்தில், தமிழக வெற்றிக் கழகத் தொண்டர்கள் எழுப்பிய முழக்கத்தால் திருப்பலிப் பிரார்த்தனை சுமார் 30 நிமிடங்கள் நிறுத்தப்பட்ட சம்பவம் பெரும் பரபரப்பை ஏற்படுத்தியுள்ளது. தவெக தலைவர் விஜய், திருச்செந்தூர் மற்றும் சீரடி சாய்பாபா கோவில்களுக்குச் சென்று வந்ததைத் தொடர்ந்து, இன்று வேளாங்கண்ணி பேராலயத்திற்கு வரக்கூடும் என்ற தகவல் பரவியது.
இதனையொட்டி, இன்று அதிகாலை முதலே ஆயிரக்கணக்கான தவெக தொண்டர்கள் வேளாங்கண்ணியில் குவிந்தனர். பேராலயத்தில் வழக்கமான திருப்பலி நடைபெற்றுக் கொண்டிருந்தபோது, அங்கு கூடியிருந்த தொண்டர்கள் திடீரென “TVK… TVK…” என உரத்த குரலில் முழக்கமிட்டனர். இந்த எதிர்பாராத கூச்சல் குழப்பத்தால் தேவாலயத்தின் அமைதி பாதிக்கப்பட்டு, திருப்பலி நிகழ்வு பாதியிலேயே நிறுத்தப்பட்டது. தேவாலய நிர்வாகத்தினர் கேட்டுக்கொண்ட பிறகும் குழப்பம் நீடித்ததால் 30 நிமிடங்கள் தாமதத்திற்குப் பின்னரே மீண்டும் பிரார்த்தனை தொடங்கியது. விஜய்யின் வருகை உறுதி செய்யப்படாத நிலையிலும், தொண்டர்களின் இந்தச் செயலால் பேராலயத்திற்கு வந்திருந்த பிற பக்தர்கள் மற்றும் சுற்றுலாப் பயணிகள் கடும் அவதிக்குள்ளாகினர்.
#VelankanniChurch #ThalapathyVijay #TVK #Nagapattinam #SpiritualVisit #ChurchDisruption #TamilNaduNews #BreakingNews #May2 #VijayFans #TVKCadres #VelankanniNews #TamilNaduPolitics #PrayerInterruption #NewsUpdate #VijayForCM #TNElections2026 #NagaiNews #ViralVideo #ChaosAtChurch_
