சென்னை
தவெக அரசின் மாபெரும் ‘தாய் மாமன் தங்க மோதிரம்’ திட்டத்திற்கான டெண்டரை வெறும் 1 பைசா விலைப்புள்ளி அளித்து ஜாய் ஆலுக்காஸ் நிறுவனம் கைப்பற்ற உள்ளதாக வெளியான தகவல் தமிழக அரசியலில் புதிய சர்ச்சையை ஏற்படுத்தியுள்ளது. இது குறித்து அதிமுக அடுக்கடுக்கான கேள்விகளை எழுப்பியுள்ளது.
திட்டத்தின் பின்னணி:
அரசு மருத்துவமனைகளில் பிறக்கும் குழந்தைகளுக்கு 1 கிராம் தங்க மோதிரம் வழங்கும் இத்திட்டம், வரும் செப்டம்பர் 15-ஆம் தேதி அண்ணா பிறந்தநாளன்று முதலமைச்சர் விஜய்யால் அதிகாரப்பூர்வமாகத் தொடங்கி வைக்கப்பட உள்ளது. இதற்காக நடப்பு நிதியாண்டில் ரூ.755.83 கோடி நிதி ஒதுக்கப்பட்டு, முதற்கட்டமாக 22 கேரட் தரத்தில் 4,41,667 மோதிரங்கள் கொள்முதல் செய்யப்பட உள்ளன.
1 பைசா டெண்டர் சர்ச்சை:
இந்த மெகா டெண்டரைக் கைப்பற்றப் பல நிறுவனங்கள் போட்டியிட்ட நிலையில், ஜாய் ஆலுக்காஸ் நிறுவனம் செய்கூலி, சேதாரம், ஹால்மார்க், பேக்கிங், காப்பீடு மற்றும் போக்குவரத்து என அனைத்திற்கும் சேர்த்து வெறும் ‘1 பைசா’ மட்டுமே சேவைக் கட்டணமாக நிர்ணயித்து இந்த ஒப்பந்தத்தைப் பெற உள்ளதாகக் கூறப்படுகிறது.
அதிமுகவின் சரமாரிக் கேள்விகள்:
இது குறித்து அதிமுக தகவல் தொழில்நுட்பப் பிரிவு (IT Wing) வெளியிட்டுள்ள எக்ஸ் (X) பதிவில் பல்வேறு சந்தேகங்களை எழுப்பியுள்ளது:
-
விளம்பரத் தூதர்: “ஜாய் ஆலுக்காஸின் சகோதர நிறுவனமாகக் கருதப்படும் ஜோஸ் ஆலுக்காஸின் (Jos Alukkas) விளம்பரத் தூதராக (Brand Ambassador) நடித்தவர் முதலமைச்சர் விஜய்.
-
விலை வித்தியாசம்: மற்ற நிறுவனங்கள் ரூ.400 முதல் ரூ.15,000 வரை செய்கூலி கேட்ட நிலையில், இந்த நிறுவனம் மட்டும் 1 பைசா கேட்டிருப்பது பலத்த சந்தேகத்தை எழுப்புகிறது.
-
டைட்டன் நிறுவனத்திற்கு வாய்ப்பில்லையா? தமிழக அரசு பெரும் பங்குதாரராக உள்ள டைட்டன் (Titan) நிறுவனத்திடம் இந்த விலையை ஒப்பிட்டுப் பார்க்க அரசு கோரியதா? தனியார் நிறுவனத்திற்குப் பதிலாக அரசு நிர்வகிக்கும் நிறுவனமே இதைச் செய்திருந்தால் இன்னும் சிறப்பாக இருந்திருக்குமே?” என அதிமுக நேரடியாக முதலமைச்சருக்குக் கேள்வி எழுப்பியுள்ளது.
#ThaiMamanThangaMothiram #ChiefMinisterVijay #TVKGovernment #AIADMK #Joyalukkas #JosAlukkas #TitanCompany #TamilNaduNews #ChennaiNews #TNPolitics #ViralNewsTN #TrendingTN #LatestNewsTN #TNNewsUpdates
