டெல்லி:
தமிழக முதல்வராகப் பதவியேற்றுள்ள விஜய்யின் “10 லட்சம் கோடி கடன்” என்ற கருத்திற்கு, விசிக தலைவர் தொல். திருமாவளவன் தனது விளக்கத்தை அளித்துள்ளார். டெல்லியில் செய்தியாளர்களைச் சந்தித்த அவர், தமிழகத்தின் கடன் அளவு மத்திய அரசால் நிர்ணயிக்கப்பட்ட வரம்பிற்குள்ளேயே இருப்பதாகத் தெரிவித்தார்.
அரசு விழாக்களில் தமிழ்த்தாய் வாழ்த்து மற்றும் வந்தே மாதரம் பாடல் தொடர்பான சர்ச்சைகள் குறித்துப் பேசிய அவர், “மதச்சார்பற்ற அரசை நிறுவுவதே தங்களது நோக்கம் எனத் தவெக தரப்பில் உறுதி அளிக்கப்பட்டதால்தான் நாங்கள் ஆதரவு அளித்தோம். பாடல் விவகாரத்தில் ஏற்பட்டுள்ள குளறுபடிகள் அதிகாரிகளின் கவனக்குறைவா அல்லது ஆளுநரின் விருப்பமா என்பதை முதல்வர் விஜய் தெளிவுபடுத்த வேண்டும்” எனக் கேட்டுக்கொண்டார்.
மேலும், “விஜய் தலைமையிலான புதிய அரசுக்கு நெருக்கடி கொடுக்க நாங்கள் விரும்பவில்லை. சட்டசபையில் பெரும்பான்மையை நிரூபிக்கும் போது தவெக-விற்கு விசிக தனது ஆதரவை வழங்கும்” எனத் திருமாவளவன் உறுதிபடத் தெரிவித்தார். பாஜக மற்றும் அதிமுக-வின் ஆதரவை நாடாமல், மதச்சார்பற்ற கூட்டணிக் கட்சிகளின் ஆதரவை விஜய் கோரியதை வரவேற்பதாகவும் அவர் குறிப்பிட்டார்.
#Thirumavalavan #VCK #VijayAsCM #TVK #BreakingNews #May10 #TamilNaduPolitics #DebtLimitTN #SecularGovernment #ThalapathyVijay #NewGovernmentTN #MajorityTest #TamilNews #PoliticalUpdate #StalinVsVijay #ElectionResults2026 #VijayMakkalIyakkam #VandeMataramControversy #TN_Assembly #VictoryForVijay_“`
