லெபனான் மீது இஸ்ரேல் முன்னெடுத்து வரும் சட்டவிரோத ஆக்கிரமிப்பு மற்றும் கண்மூடித்தனமான குண்டுவீச்சுத் தாக்குதல்களை ஐக்கிய நாடுகள் அமை்பின் நிபுணர்கள் கடுமையாகக் கண்டித்துள்ளதாக ஐக்கிய நாடுகள் மனித உரிமைகள் பேரவை தெரிவித்துள்ளது.
கடந்த மார்ச் 2-ஆம் திகதி முதல் ஹிஸ்புல்லா அமைப்புடன் மீண்டும் இஸ்ரேல் போர் புரிந்து வருகின்றது.
ஏப்ரல் 8-ஆம் திகதி இஸ்ரேல் நடத்திய மிக மோசமான தாக்குதலில் 250-க்கும் மேற்பட்டோர் கொல்லப்பட்டனர்.
இது குறித்து அறிக்கை வெளியிட்டுள்ள நிபுணர்கள் குழு, இவை தற்காப்பு நடவடிக்கைகள் அல்ல; மாறாக ஐநா சாசனத்தை அப்பட்டமாக மீறும் செயலாகும் என தெரிவித்துள்ளனர்.
இது அமைதிக்கான வாய்ப்புகளைத் திட்டமிட்டு சீர்குலைப்பதோடு, சர்வதேச கொள்கை மற்றும் ஐக்கிய நாடுகள் அமைப்பினை அடிப்படையாகக் கொண்ட சர்வதேச ஒழுங்கிற்கு இழைக்கப்படும் அவமதிப்பாகும் என சுட்டிக்காட்டியுள்ளனர்.
