1. வீடமைப்பு மற்றும் வாழ்வாதாரத் திட்டங்கள்

• அகம் திட்டம்: வீடற்ற தூய்மைப் பணியாளர்களுக்குச் சொந்தமாக 2,500 கான்கிரீட் வீடுகள் கட்டித் தரப்படும்.
• உறையுள் மற்றும் இனிய இல்லம்: பழங்குடியினருக்கு 2,000 வீடுகளும் (உறையுள்), ஆதிதிராவிடர்களுக்கு 5,000 வீடுகளும் (இனிய இல்லம்) வழங்கப்படும்.
• விடிவெள்ளி திட்டம்: பொருளாதாரத்தில் பின்தங்கிய ஒரு லட்சம் ஆதிதிராவிடர் மற்றும் பழங்குடியினப் பெண்களின் வாழ்வாதார மேம்பாட்டிற்கான சிறப்புத் திட்டம்.
• ஏற்றம் திட்டம்: தூய்மைப் பணியாளர்களின் குடும்ப உறுப்பினர்களைத் தொழில்முனைவோராக மாற்ற வங்கி உத்திரவாதத்துடன் 20% மானியம் வழங்கப்படும்.

2. கல்வி மற்றும் உள்கட்டமைப்பு மேம்பாடு

• உணவுக் கட்டணம் உயர்வு: விடுதி மாணவர்களுக்கான மாதாந்திர உணவுக் கட்டணம் பள்ளிகளுக்கு ரூ.1,400-ல் இருந்து ரூ.1,800 ஆகவும், கல்லூரிகளுக்கு ரூ.1,500-ல் இருந்து ரூ.2,000 ஆகவும் உயர்த்தப்படும்.
• சமூக நீதி விடுதிகள்: ஆதிதிராவிடர் மற்றும் பழங்குடியின மாணவர்களுக்காக ரூ.160 கோடியில் 150 புதிய ‘சமூக நீதி விடுதிகள்’ கட்டப்படும்.
• டிஜிட்டல் கற்றல் மையம்: சென்னை நந்தனத்தில் போட்டித் தேர்வுகளுக்குத் தயாராகும் மாணவர்களுக்காக “டிஜிட்டல் கற்றல் மற்றும் புதுமை மையம்” உருவாக்கப்படும்.
• அம்பேத்கர் படிப்பகம்: மாணவர்களின் வாசிப்புப் பழக்கம் மற்றும் சுயகற்றலை ஊக்குவிக்க அனைத்து விடுதிகளிலும் “அம்பேத்கர் படிப்பகம்” ஏற்படுத்தப்படும்.

3. பொருளாதாரம், வேலைவாய்ப்பு மற்றும் பண்பாடு

• சரிநிகர் திட்டம்: தனியார் நிறுவனங்களில் ஆதிதிராவிடர் மற்றும் பழங்குடியினருக்கு வேலைவாய்ப்பை வழங்குவதை ஊக்குவிக்கும் சம வேலைவாய்ப்புத் திட்டம்.
• வளமிகு வேளாண்மை: ஆதிதிராவிட விவசாயிகளுக்கு விரைவு மின் இணைப்பு வழங்க 90% மானியம் (1000 பேருக்கு) அளிக்கப்படும்.
• முல்லை: பழங்குடியின மக்கள் சேகரிக்கும் சிறுவனப் பொருட்கள் மற்றும் விவசாயப் பொருட்கள் ‘முல்லை’ என்ற பிராண்ட் பெயரில் சந்தைப்படுத்தப்படும்.
• பூம்பொழில் மற்றும் தடம்: பழங்குடியினப் பகுதிகளில் சூழலியல் சுற்றுலாவுக்கான “பூம்பொழில்” தங்கும் வசதிகளும், அவர்களின் கலாச்சாரத்தை அறிய “தடம்” என்ற மரபு நடையும் அறிமுகப்படுத்தப்படும்.