இரட்டைக் கொலைச் சம்பவம் (Double homicide) தொடர்பாக கனடா தழுவிய பிடியாணை (Canada-wide warrant) பிறப்பிக்கப்பட்டு தேடப்பட்டு வரும் ஜோர்டான் சாங்வின் (Jordan Sangwin) என்பவரைக் கண்டுபிடிப்பதற்கு டொராண்டோ காவல்துறையினர் பொதுமக்களின் உதவியைக் கோரியுள்ளனர்.
விசாரணையாளர்களின் தகவல்படி, ஜோர்டான் சாங்வின் நேற்று இரவு 11 மணியளவில் டொராண்டோவில் உள்ள ‘ஹை பார்க்’ (High Park) பகுதிக்கு அருகே கடைசியாகக் காணப்பட்டுள்ளார். அவர் நடந்து சென்று கொண்டிருக்கலாம் என்று நம்பப்படுகிறது.
காவல்துறையினர் ஜோர்டான் சாங்வினை ஆயுதம் ஏந்திய ஆபத்தான நபராக (Armed and dangerous) கருதுகின்றனர். எனவே, பொதுமக்கள் யாரும் அவரை அணுக வேண்டாம் என்றும், அவர் தென்பட்டால் உடனடியாக 911 என்ற அவசர எண்ணிற்கு அழைக்குமாறும் கேட்டுக்கொள்ளப்படுகிறார்கள்.
அவர் இருக்குமிடம் குறித்த தகவல் ஏதேனும் தெரிந்தவர்கள் உடனடியாகக் காவல்துறையைத் தொடர்பு கொள்ளுமாறு கோரப்பட்டுள்ளனர். தேடப்படும் ஒரு நபருக்குத் தெரிந்தே உதவுபவர்கள், புகலிடம் அளிப்பவர்கள் அல்லது மறைத்து வைப்பவர்கள் எவராயினும் அவர்கள் மீதும் குற்றவியல் வழக்குகள் பாயும் என்று அதிகாரிகள் எச்சரித்துள்ளனர்.
குறிப்பு: சுமத்தப்பட்டுள்ள குற்றச்சாட்டுகள் இன்னும் நீதிமன்றத்தில் நிரூபிக்கப்படவில்லை. குற்றம் சாட்டப்பட்டவர் நீதிமன்றத்தால் குற்றவாளி என நிரூபிக்கப்படும் வரை நிரபராதியாகவே கருதப்படுவார்.
