பீல் பிராந்தியம் – 11 டிவிஷன் தானியங்கிப் பதில் வழங்கிக் குழு (Break and Enter Auto Response Unit)மற்றும் சமூக தலையீடு மற்றும் மறுமொழி குழு (Community Intervention and Response Team) அதிகாரிகள் மேற்கொண்ட விசாரணையின் மூலம் திட்டமிட்ட வாகனத் திருட்டு குழுவிடமிருந்து சுமார் $800,000-க்கும் அதிக மதிப்புள்ள 13 வாகனங்கள் மீட்கப்பட்டுள்ளன.
2025 அக்டோபரில், பல திருடப்பட்ட வாகனங்கள் தொடர்புடைய ஒரு திட்டமிட்ட குற்றக் குழுவை குறித்து பீல் பிராந்திய காவல்துறையினர் விசாரணையைத் தொடங்கினர். மிசிசாகாவில் உள்ள இரண்டு வீடுகளில் மேற்கொள்ளப்பட்ட தேடுதலின் பின்னர், இந்த விசாரணை 2026 மார்சில் நிறைவடைந்தது, இதன் மூலம் மொத்தம் 13 வாகனங்கள் மீட்கப்பட்டன.
இதன் விளைவாக, மிசிசாகாவைச் சேர்ந்த இரண்டு சகோதரர்கள் கைது செய்யப்பட்டனர். அவர்கள் மீது மொத்தம் 55 குற்றச்சாட்டுகள் சுமத்தப்பட்டுள்ளன என்பது குறிப்பிடத்தக்கது.
இருவரும் ஒன்ராறியோ நீதிமன்றத்தில் விசாரணை நடைபெறும் வரை காவலில் வைக்கப்பட்டுள்ளனர். கைது செய்யப்பட்ட சமயத்தில், அவர்கள் இருவரும் நீதிமன்றம் விதித்த உத்தரவுகளின் கீழ் இருந்ததாகவும், அந்த உத்தரவுகளை மீறுதல், கொள்ளை மற்றும் சொத்து தொடர்பான குற்றச்சாட்டுகளுடன் தொடர்புடையதாகவும் காவல்துறையினர் தெரிவித்துள்ளனர்.
வாகனத் திருட்டு தொடர்பான குற்றச்செயல்களைத் தடுக்க பீல் பிராந்திய காவல்துறையினர் தொடர்ந்து தீவிரமாக நடவடிக்கை எடுத்து வருகின்றது. இதன் விளைவாக, 2026ஆம் ஆண்டில் இதுவரை திருடப்பட்ட வாகனங்களின் எண்ணிக்கை கடந்த ஆண்டின் அதே காலத்துடன் ஒப்பிடும்போது சுமார் 15% குறைந்துள்ளதாக செய்திகள் தெரிவிக்கின்றன.
