ஒரு இளம் கலைஞரை அவரது இசைக்காகவும், அவரது தமிழ் அடையாளத்திற்காகவும் சிறையில் அடைப்பது பேச்சுரிமைக்கும், எந்தவொரு ஜனநாயகத்தின் அடித்தளத்திற்கும் எதிரான நேரடி மீறலாகும்என கனடாவின் ஸ்கார்பரோ-ரூஜ் பார்க் (Scarborough—Rouge Park) தொகுதியின் மாகாண நாடாளுமன்ற உறுப்பினரும்கனடாவின் ஒன்ராறியோ மாகாணத்தின் மனநலம் மற்றும் போதைப்பொருள் அடிமைத்தன்மைக்கான இணைஅமைச்சருமான விஜய்தணிகாசலம் தெரிவித்துள்ளார்
அவர் மேலும் குறிப்பிட்டுள்ளதாவது
இலங்கையில் 24 வயதுடைய தமிழ் ஹிப் ஹாப் கலைஞர் சங்கீத்சன் கணேஷ்குமார் (ஹிப்ஹாப் சங்கீ – Hiphop Sangee) கொடூரமான பயங்கரவாதத் தடைச் சட்டத்தின் (PTA) கீழ் அண்மையில் தடுத்து வைக்கப்பட்டுள்ளமை எனக்கு ஆழமான கவலையை அளிக்கிறது.
ஒரு இளம் கலைஞரை அவரது இசைக்காகவும், அவரது தமிழ் அடையாளத்திற்காகவும் சிறையில் அடைப்பது பேச்சுரிமைக்கும், எந்தவொரு ஜனநாயகத்தின் அடித்தளத்திற்கும் எதிரான நேரடி மீறலாகும். பயங்கரவாதத் தடைச் சட்டம் நீக்கப்படும் என்று இலங்கை அரசாங்கம் சர்வதேச சமூகத்திற்குப் பலமுறை உறுதியளித்துள்ளது. இருப்பினும், இது தமிழ் சமூகத்திற்கு எதிரான தணிக்கை (Censorship) மற்றும் அச்சுறுத்தலின் தீவிரமான கருவியாகவே தொடர்ந்து இருந்து வருகிறது.
தமிழ் இனப்படுகொலையின் உச்சக்கட்டத்திலிருந்து இன்றுவரை, தமிழ் மக்கள் கடுமையான இராணுவமயமாக்கல், கண்காணிப்பு மற்றும் கட்டமைக்கப்பட்ட அநீதிகளைத் தொடர்ந்து எதிர்கொண்டு வருகின்றனர். அடிப்படைச் சுதந்திரங்கள் இன்னும் பறிக்கப்பட்டு வரும் நிலையில், உலகளாவிய விழிப்புணர்வு, நினைவூட்டல் மற்றும் அதற்கான தீர்வுகள் ஆகியவை ஏன் இன்றியமையாததாக இருக்கின்றன என்பதை இந்த அரச ஆதரவு வரம்புமீறல் மீண்டும் வலுப்படுத்துகிறது. ஒன்டாரியோவில் ‘மசோதா 104’ (Bill 104 – தமிழ் இனப்படுகொலை கல்வி வாரச் சட்டம்) ஐ நிறைவேற்ற நாம் போராடியதற்கான காரணத்தையும் இது உணர்த்துகிறது.
சங்கீத்சனை உடனடியாக விடுதலை செய்யக் கோரியும், பயங்கரவாதத் தடைச் சட்டத்தை முற்றாக ஒழிக்க வலியுறுத்தியும் உலகளாவிய மனித உரிமை அமைப்புகளுடன் நானும் இணைகிறேன்.
