ளிநொச்சி, இரத்தினபுரம் பகுதியில் பாராளுமன்ற உறுப்பினர் சிவஞானம் சிறீதரனின் மக்கள் சந்திப்பு நடைபெற்றது.
ஆனந்தபுரம் வட்டார கரைச்சி பிரதேச சபை உறுப்பினரின் தலைமையில் நடைபெற்ற இம்மக்கள் சந்திப்பில் பாராளுமன்ற உறுப்பினர் சிவஞானம் சிறீதரன் கலந்துகொண்டு மக்களின் பிரச்சினைகளைக் கேட்டறிந்து கொண்டார்.
தொடர்ந்து பாராளுமன்ற உறுப்பினர் கருத்துத் தெரிவிக்கையில்,
கடந்த 40 ஆண்டுகளுக்கும் மேலாக நடைமுறையிலுள்ள இந்தப் பயங்கரவாதத் தடைச் சட்டம் தமிழ் மக்களுக்குப் பெரும் பாதிப்பை ஏற்படுத்திய ஒரு கொடூரமான சட்டமாகும்.
தற்போதைய ஜனாதிபதி அநுர குமார திசாநாயக்க முன்பு இச்சட்டத்தை நீக்க ஆதரவு தெரிவித்துக் கையெழுத்திட்ட போதிலும், ஆட்சிக்கு வந்து இரு ஆண்டுகள் நிறைவடையும் நிலையிலும் இச்சட்டம் நீக்கப்படவில்லை, அரசியல் தீர்வு குறித்தும் அமைதி காத்து வருகிறார்.
கடந்த செப்டம்பர் 18 அன்று வெளியிடப்பட்ட வர்த்தமானி அறிவித்தலின் மூலம், பொலிஸாருக்கு மட்டுமின்றி இராணுவத்தினருக்கும் சந்தேக நபர்களைக் கைது செய்யவும், விசாரணையின்றித் தடுப்பில் வைக்கவும் அதிகாரங்கள் விரிவாக்கப்பட்டுள்ளன.
இச்சட்டத்தைப் பயன்படுத்தித் தமிழ் மக்களின் நினைவேந்தல் நிகழ்வுகள் தடுக்கப்படுகின்றன, யாழ்ப்பாணம் மற்றும் கிளிநொச்சியில் நினைவேந்தல் சுடரேற்றிய பாடசாலை மாணவர்கள் உட்பட பலர் விசாரணைக்கு அழைக்கப்பட்டு அச்சுறுத்தப்படுகின்றனர்.
இப்புதிய சட்டத் திருத்தங்கள் மற்றும் அரசின் நடவடிக்கைகளுக்கு எதிராக முழுமையான எதிர்ப்பைப் பதிவுசெய்வதாக உரையாற்றியவர் என தெரிவித்தார்.
