மிசிசாகாவில் இடம்பெற்ற துப்பாக்கிச் சூடு சம்பவத்துடன் தொடர்புடைய சந்தேக நபருக்கு எதிராக கனடா தழுவிய (Canada-wide) பிடியாணை உத்தரவு பிறப்பிக்கப்பட்டுள்ளதாக பொலிஸார் செவ்வாய்க்கிழமை அறிவித்துள்ளனர்.

இந்தத் துப்பாக்கிச் சூடு சம்பவம் கடந்த பெப்ரவரி 21 ஆம் திகதி கென்னடி வீதி (Kennedy Road) மற்றும் எக்லிண்டன் அவென்யூ (Eglinton Avenue) சந்திப்பிற்கு அருகிலுள்ள வணிக வளாகம் ஒன்றில் நிகழ்ந்துள்ளது. அங்கு துப்பாக்கிச் சூட்டுக்கு இலக்கான இருவரைத் தாம் கண்டறிந்ததாகவும், அவர்களில் ஒருவருக்கு உயிருக்கு ஆபத்தான காயம் ஏற்பட்டிருந்ததாகவும் விசாரணையாளர்கள் தெரிவித்தனர்.

மிசிசாகாவைச் சேர்ந்த 21 வயதான கார்லோஸ் ரோட்ரிக்ஸ்-ரோட்ரிக்ஸ் (Carlos Rodriguez-Rodriguez) என்பவரே இச்சம்பவம் தொடர்பாகத் தேடப்பட்டு வருகிறார். அவர் மீது கொலை முயற்சி உட்பட ஏழு வெவ்வேறு குற்றச்சாட்டுகள் சுமத்தப்பட்டுள்ளன.

சந்தேக நபரின் அடையாளம்:

• இனம்: லத்தீன் அமெரிக்கர்

• உயரம்: 5 அடி 11 அங்குலம்

• எடை: சுமார் 150 பவுண்ட் (68 கிலோ)

• உடல்வாகு: மெலிந்த தோற்றம்

• தலைமுடி: கருப்பு நிறம்

சந்தேக நபர் குறித்த தகவல் தெரிந்தவர்கள் உடனடியாகப் பொலிஸாரைத் தொடர்புகொள்ளுமாறு கேட்டுக்கொள்ளப்பட்டுள்ளன