நார்த் யோர்க் (North York) பகுதியிலுள்ள அடுக்குமாடி குடியிருப்பு கட்டிடம் ஒன்றிற்குள் மனைவி குத்திக் கொலை செய்யப்பட்டதைத் தொடர்ந்து, வோன் (Vaughan) நகரைச் சேர்ந்த 28 வயதுடைய நபர் ஒருவர் மீது ரொறன்ரோ பொலிஸார் முதலாம் நிலை கொலைக் குற்றம் சாட்டியுள்ளனர்.
சனிக்கிழமை பிற்பகல் ஃபேர்வியூ மோல் டிரைவ் (Fairview Mall Drive) மற்றும் டான் மில்ஸ் வீதிக்கு (Don Mills Road) அருகில் கத்தியுடன் ஒருவர் இருப்பதாகக் கிடைத்த அழைப்பிற்கு பொலிஸார் விரைந்தனர். அங்கு ரொறன்ரோவைச் சேர்ந்த 29 வயதான தி நுயென் (Thi Nguyen) என்ற பெண், மண்டபப் பாதையில் குத்துப் காயங்களுடன் கிடப்பதைக் கண்டறிந்தனர். உயிரைக் காப்பாற்ற மேற்கொள்ளப்பட்ட முயற்சிகள் தோல்வியடைந்ததைத் தொடர்ந்து, அவர் சம்பவ இடத்திலேயே உயிரிழந்ததாக அறிவிக்கப்பட்டது.
வோன் நகரைச் சேர்ந்த மார்ட்டின் லி (Martin Ly) என அடையாளம் காணப்பட்ட சந்தேக நபர் பொலிஸார் வருவதற்கு முன் தப்பிச் சென்ற போதிலும், பின்னர் கைது செய்யப்பட்டதாக பொலிஸார் தெரிவிக்கின்றனர். அத்துடன், பிணை நிபந்தனையை மீறிய குற்றச்சாட்டையும் அவர் எதிர்கொள்கிறார்.
குற்றம் சாட்டப்பட்டவரும் பாதிக்கப்பட்டவரும் திருமணமானவர்கள் என்று புலனாய்வாளர்கள் தெரிவித்துள்ளனர். இந்தக் குற்றச்சாட்டுகள் நீதிமன்றத்தில் இன்னும் நிரூபிக்கப்படவில்லை. இச்சம்பவம் 2026 ஆம் ஆண்டில் ரொறன்ரோவில் பதிவான 21 ஆவது கொலைச் சம்பவமாகும்.
