சென்னை:

சென்னை மாமன்றக் கூட்டத்தில் மேயர் பிரியா, பிக்பாஸ் விஜய் சேதுபதியின் வசனத்தைக் கூறி முதலமைச்சர் விஜய்யைக் கடுமையாக விமர்சித்துள்ளார்.

மாமன்றக் கூட்டம்:

சென்னை மாநகராட்சி அலுவலகமான ரிப்பன் மாளிகையில் இன்று மாதாந்திர மாமன்றக் கூட்டம் சென்னை மாநகராட்சி மேயர் பிரியா தலைமையில் நடைபெற்றது. இதில் துணை மேயர் மகேஷ் குமார், மாநகராட்சி ஆணையர் சமீரன் மற்றும் மாமன்ற உறுப்பினர்கள் கலந்து கொண்டனர். கூட்டத்தைத் தொடங்கி வைத்து மேயர் பிரியா பேசியதாவது:

சட்டமன்றம் மாண்பை இழந்து நிற்கிறது:

“மானத்தைப் பற்றிக் கவலைப்படாத ஒருவரிடம் தமிழ்நாடு சிக்கியுள்ளது என்று பெரியார் கூறுவார். பல வரலாற்றுச் சிறப்புமிக்கத் தலைவர்களை முதலமைச்சராகப் பார்த்தது நமது சட்டமன்றம். ஆனால், இன்றைக்கு ஒருவரின் உடல் மொழியாலும் செய்கையாலும் தமிழ்நாடு சட்டமன்றம் மாண்பை இழந்து நிற்கிறது. மு.க.ஸ்டாலினைக் கண்ணியக்குறைவாகப் பேசிய முதலமைச்சருக்கு எனது கண்டனங்களைப் பதிவு செய்கிறேன். சட்டமன்றத்தில் எதிர்க்கட்சித் தலைவர் உதயநிதி முன்வைக்கும் கேள்விகளுக்குப் பதில் சொல்ல முடியாமல் முதலமைச்சர் திணறுகிறார்.

சட்டம் ஒழுங்கு சீர்கேடு:

தமிழ்நாட்டில் தவெக அரசு பொறுப்பேற்ற 4 மாதங்களில் ஏகப்பட்ட குற்றச் சம்பவங்கள், கொலைகள், பாலியல் பிரச்சினைகள் அரங்கேறி வருகின்றன. மின் கட்டண உயர்வு, மின்வெட்டு போன்றவற்றால் மக்கள் தவிக்கின்றனர். மின்வெட்டுக்கான காரணத்தைக் கேட்டால், மழை பெய்யவில்லை, காற்று அடிக்கவில்லை என ஒரு அமைச்சர் பதில் சொல்கிறார். பரந்தூர் விமான நிலையத் திட்டத்தைக் கைவிடுவதும், மீனம்பாக்கத்தைத் தனியாருக்குத் தாரை வார்ப்பதும் மோசமான செயல்களாகும்.

விஜய் சேதுபதி டயலாக்:

ஒரு தனியார் தொலைக்காட்சி நிகழ்ச்சியைத் தொகுத்து வழங்கும் நடிகர் விஜய் சேதுபதி கூறியதைப் போல, தலைவர் என்றால் என்னவென்றே தெரியாமல், கொள்கையை உணராமல், பிரச்சினைகள் வரும்போது எதிராளியின் மீது பழியைப் போடுவது தலைமைப் பண்பு கிடையாது; அது வெறும் ஏமாற்று வேலை. அதுதான் தற்போதைய தவெக அரசின் இன்றைய உண்மை நிலை\” என மேயர் பிரியா ஆவேசமாகப் பேசினார்.

#MayorPriya #CMVijay #TVK #DMK #ChennaiCorporation #VijaySethupathi #UdhayanidhiStalin #TNPolitics #BmNews #TamilNews #BreakingNewsTN #TamilNaduNews #LatestNews #TamilNewsLive