ஈரானில் இருந்து எண்ணெய் ஏற்றிச் சென்ற, சர்வதேசத் தடைகளுக்கு உள்ளாகியிருந்த M/T Majestic X என்ற கப்பலை அமெரிக்கப் படைகள் இந்தியப் பெருங்கடலில் வைத்து இடைமறித்துச் சோதனையிட்டதாக அமெரிக்க பாதுகாப்பு அமைச்சு (Department of Defense) தனது ‘X’ தளத்தில் பதிவிட்டுள்ளது.

முக்கிய அம்சங்கள்:

• கப்பலின் நிலை: இந்தக் கப்பல் எந்தவொரு நாட்டுக்கும் சொந்தமில்லாத (Stateless vessel) மற்றும் ஏற்கனவே தடை விதிக்கப்பட்ட ஒன்றாகக் குறிப்பிடப்பட்டுள்ளது.

• இடைமறிப்பு நடவடிக்கை (Maritime Interdiction): சட்டவிரோத அல்லது அச்சுறுத்தலான நடவடிக்கைகளில் ஈடுபடுவதாகச் சந்தேகிக்கப்படும் கப்பல்களை கடற்படையினர் இடைமறித்துச் சோதனையிடும் ‘Maritime Interdiction’ மற்றும் ‘Right-of-visit boarding’ முறையை அமெரிக்கப் படைகள் கையாண்டுள்ளன.

• அமெரிக்காவின் எச்சரிக்கை: ஈரானுக்குத் தேவையான பொருட்களைக் கடத்தும் அல்லது ஈரானிடமிருந்து பொருட்களைப் பெற்றுக்கொள்ளும் சந்தேகத்திற்கிடமான கப்பல்கள் மீது இவ்வாறான நடவடிக்கைகள் தொடரும் என அமெரிக்கா தெரிவித்துள்ளது.

புவியியல் முக்கியத்துவம்:

ஹார்முஸ் நீரிணையை (Strait of Hormuz) அமெரிக்கா முற்றுகையிட்டுள்ள நிலையில், ஈரானுக்குச் சொந்தமான அல்லது ஈரானுடன் தொடர்புடைய பல கப்பல்களை அமெரிக்கா அண்மைக்காலமாக இடைமறித்து வருகிறது. குறிப்பாக, ஈரான் எல்லைக்கு அருகில் அல்லாமல், தூரத்திலுள்ள இந்தியப் பெருங்கடல் பகுதியில் வைத்து இந்தக் கப்பல் மறிக்கப்பட்டுள்ளது குறிப்பிடத்தக்கது.