சென்னை:

ஜப்பானில் நடைபெற்ற 20-வது ஆசிய விளையாட்டுப் போட்டிகளில் அபாரமாகச் செயல்பட்டுப் பதக்கங்கள் வென்று தாயகம் திரும்பிய தமிழக விளையாட்டு வீரர்களுக்குப் பாராட்டு விழா இன்று சென்னை நேரு உள்விளையாட்டு அரங்கில் மிகவும் சிறப்பாக நடைபெற்றது.

பாராட்டு விழா:

இந்த விழாவில் கலந்துகொண்ட தமிழக பொதுப்பணி மற்றும் விளையாட்டு மேம்பாட்டுத்துறை அமைச்சர் ஆதவ் அர்ஜூனா, பதக்கம் வென்ற வீரர், வீராங்கனைகளை நேரில் சந்தித்து தனது மனமார்ந்த வாழ்த்துகளையும், தமிழக அரசின் பாராட்டுக்களையும் தெரிவித்தார். தமிழ்நாட்டைச் சேர்ந்த வீரர்களின் இந்தச் சாதனை ஒட்டுமொத்த இந்தியாவிற்கும் பெருமை சேர்த்துள்ளதாக அவர் குறிப்பிட்டார்.

முதலமைச்சர் விருந்து:

நிகழ்ச்சியில் உரையாற்றிய அமைச்சர் ஆதவ் அர்ஜூனா ஒரு முக்கிய அறிவிப்பை வெளியிட்டார். தமிழகத்தின் பெருமையாகத் திகழும் இந்த விளையாட்டு வீரர்களைக் கவுரவிக்கும் வகையில், பதக்கம் வென்ற அனைவருக்கும் முதலமைச்சர் சி. ஜோசப் விஜய் மிக விரைவில் சிறப்பான இரவு விருந்தொன்றை அளிக்கவுள்ளதாக அவர் தெரிவித்தார்.

பயிற்சியாளர்களுக்கும் கோரிக்கை:

மாணவர்கள் மற்றும் இளைஞர்கள் யூடியூப் போன்ற சமூக வலைத்தளங்களில் தேவையற்ற படங்களைப் பார்த்து நேரத்தை வீணடிப்பதை விட, விளையாட்டை மேம்படுத்தத் தேவையான விஷயங்களைப் பார்த்துத் தங்களது திறனை வளர்த்துக்கொள்ள வேண்டும் என அமைச்சர் அறிவுறுத்தினார். மேலும், பதக்கம் வென்ற வீரர்களுக்கு அரசு சார்பில் வழங்கப்படும் உயரிய பரிசுத் தொகையைப் போலவே, அந்த வீரர்களை உருவாக்கிய பயிற்சியாளர்களுக்கும் உரிய ஊக்கத்தொகை வழங்க வேண்டும் என முதலமைச்சரிடம் கோரிக்கை வைத்துள்ளதாகவும் அவர் தெரிவித்தார்.

#AsianGames #AadhavArjuna #CMVijay #TamilNaduSports #SportsNews #BmNews #TamilNews #BreakingNewsTN #TamilNaduNews #LatestNews #TamilNewsLive