சர்வதேச நாணயநிதியத்தின் தற்போதைய விரிவாக்கப்பட்ட நிதி வசதி திட்டத்திற்கு பின்னர் இலங்கை மற்றுமொரு புதிய திட்டத்தை பெறுவதற்கு முயலுமா என்ற கேள்விக்கு இலங்கை அரசாங்கம்தான் அதனை தீர்மானிக்கவேண்டும் என சர்வதேச நாணயநிதியத்தின் இலங்கைக்கான பிரதிநிதிகள் குழுவின் தலைவர் எவான் பார்பஜோர்ஜியோ தெரிவித்துள்ளார்
இது குறித்து அவர் மேலும் தெரிவித்துள்ளதாவது
சர்வதேச நாணயநிதியத்தின் தற்போதைய திட்டத்தில் மேலும் இரண்டு மதிப்பாய்வுகள் உள்ளன.ஏழாவது மதிப்பாய்வு தொடர்பான பேச்சுவார்த்தைகள் தற்போது நடைபெற்றுவருவதுடன்,8வது மற்றும் இறுதி மதிப்பாய்வுகள் இனிமேல்தான் இடம்பெறும்.
அரசாங்கம் என்ன இலக்குகளை அடைய விரும்புகின்றது? மற்றும் புதிய திட்டமொன்று அவசியம் என அரசாங்கம் கருதுகின்றதா என்பதை பொறுத்தே அரசாங்கத்தின் புதிய திட்டத்திற்கான கோரிக்கை அமையும்.
முறையான நிதியுதவி திட்டம் இல்லாத போதிலும்கூட நிதித்துறை மதிப்பீடுகள் போன்ற பல்வேறு வழிமுறைகள் மூலம் நாடுகளுக்கு ஆதரவு வழங்குவதற்கான திட்டங்கள் சர்வதேச நாணயநிதியத்திடம் உள்ளது.
தற்போதைய ஏழாவது எட்டாவது மதிப்பாய்வுகள் முடிவடைந்த பின்னரே புதிய திட்டம் குறித்து இலங்கை முடிவெடுக்கவேண்டும்
2026ம் ஆண்டின் இரண்டாவது காலாண்டில் இலங்கையின் பொருளாதாரம் 4.2 வீதம் வளர்ச்சி கண்டுள்ளது என அவர் தெரிவித்துள்ளார்.
(ரி)