தற்போது விளக்கமறியலில் வைக்கப்பட்டுள்ள ஸ்ரீலங்கா பொதுஜன பெரமுனவின் (SLPP) தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ஷ, தனது வீட்டிலிருந்து கொண்டு வரப்படும் உணவைப் பெற்றுக்கொள்ள அனுமதி வழங்கப்பட்டுள்ளது.
நாமல் ராஜபக்ஷ தடுத்து வைக்கப்பட்டுள்ள சிறைக்கூடத்தைச் சுற்றிலும் சிறப்புப் பாதுகாப்பு ஏற்பாடுகள் செய்யப்பட்டுள்ளதாகச் சிறைச்சாலைகள் பேச்சாளர் சேனக்க பள்ளியகுருகே தெரிவித்துள்ளார்.
மேலும், அவரைச் சந்திப்பதற்கு நாளொன்றிற்கு அதிகபட்சமாக மூன்று பார்வையாளர்களுக்கு மட்டுமே அனுமதி வழங்கப்படும் என்றும் சிறைச்சாலைத் திணைக்களம் குறிப்பிட்டுள்ளது.
நாமல் ராஜபக்ஷ தற்போது கொழும்பு விளக்கமறியல் சிறைச்சாலையில் அடைக்கப்பட்டுள்ளார்.
லஞ்ச ஊழல் ஒழிப்பு ஆணைக்குழுவினால் (CIABOC) கைது செய்யப்பட்ட நாமல் ராஜபக்ஷ, செப்டம்பர் 18 ஆம் திகதி வரை விளக்கமறியலில் வைக்கப்பட்டுள்ளார்.
செப்டம்பர் 4 ஆம் திகதி கொழும்பு பிரதம நீதவான் நீதிமன்றத்தில் அவர் ஆஜர்படுத்தப்பட்டபோதே இந்த விளக்கமறியல் உத்தரவு பிறப்பிக்கப்பட்டது.
ஸ்ரீலங்கன் ஏயர்லைன்ஸ் நிறுவனத்திற்கு விமானங்கள் கொள்முதல் செய்யப்பட்ட விவகாரத்தில், 100 மில்லியன் ரூபாய் லஞ்சம் பெற்றதாகக் கூறப்படும் குற்றச்சாட்டு தொடர்பான விசாரணைகளின் அடிப்படையில் லஞ்ச ஊழல் ஒழிப்பு ஆணைக்குழுவினால் அவர் கைது செய்யப்பட்டார்.
