கனடாவின் வோன் (Vaughan) நகரில் உள்ள பொழுதுபோக்கு பூங்காவில் சிறுமி ஒருவருக்குப் பாலியல் தொல்லை அளித்த குற்றச்சாட்டின் கீழ், பூங்காவின் சவாரி உதவியாளராகப் (Ride operator) பணியாற்றிய இளைஞர் ஒருவர் கைது செய்யப்பட்டுள்ளார். மேலும், இவரால் பாதிக்கப்பட்டவர்கள் வேறு யாரேனும் இருக்கலாம் எனவும் பொலிஸார் சந்தேகிக்கின்றனர்.

கடந்த மே 25 ஆம் திகதி, சிறுமி ஒருவர் தனது நண்பர்களுடன் பெயர் குறிப்பிடப்படாத அந்தப் பொழுதுபோக்கு பூங்காவிற்குச் சென்றுள்ளார். அங்கு அவர் சவாரிக்காகச் சென்றபோது, பாதுகாப்புச் பரிசோதனைகளை மேற்கொள்ளும் சாக்கில் சவாரி உதவியாளராக இருந்த இளைஞர் அவருக்குப் பாலியல் தொல்லை கொடுத்துள்ளதாக யோர்க் பிராந்திய பொலிஸார் (York Regional Police) தெரிவித்துள்ளனர்.

கைது செய்யப்பட்டவர் விவரம்: இச்சம்பவம் தொடர்பில் பிராம்ப்டன் (Brampton) நகரைச் சேர்ந்த 19 வயதுடைய ஜுகாத் தாமி (Jugaad Dhami) என்பவர் கைது செய்யப்பட்டுள்ளார். அவர் மீது பின்வரும் குற்றச்சாட்டுகள் சுமத்தப்பட்டுள்ளன:

• பாலியல் தாக்குதல் (Sexual Assault) — 1 வழக்கு

• சிறுமியிடம் பாலியல் குறுக்கீடு / தவறாக நடத்தல் (Sexual Interference) — 1 வழக்கு

பாதிக்கப்பட்ட வேறு நபர்கள் யாரேனும் இருக்கக்கூடும் என்ற சந்தேகத்தில், சந்தேக நபரின் புகைப்படத்தைப் பொலிஸார் வெளியிட்டுள்ளனர். இச்சம்பவம் தொடர்பாகத் தகவல் அறிந்தவர்கள் யோர்க் பிராந்திய பொலிஸ் சிறப்புப் பிரிவையோ அல்லது ‘க்ரைம் ஸ்டாப்பர்ஸ்’ அமைப்பையோ தொடர்பு கொள்ளுமாறு கேட்டுக்கொள்ளப்பட்டுள்ளனர்.