சென்னை:

விளாத்திகுளம் எம்எல்ஏ மார்க்கண்டேயன் கைது நடவடிக்கையைக் கண்டித்து திமுக தலைவர் மு.க.ஸ்டாலின் வெளியிட்ட அறிக்கைக்கும், ‘சாத்தானின் ஆட்சி’ என்ற விமர்சனத்திற்கும் தமிழக வெற்றிக் கழகம் (தவெக) கடுமையான பதிலடியை வழங்கியுள்ளது. தவெக ஐடி விங் வெளியிட்டுள்ள அறிக்கையில், அரசியலை வியாபாரமாகச் செய்யும் ‘தானியங்கி விற்பனை இயந்திரம்’ என்று திமுகவை விமர்சித்துள்ளதுடன், தன் கட்சியைச் சேர்ந்த ஆபாசப் பேச்சாளர்களை வன்மம் ஊட்டி வளர்த்துவிட்டு அதனை எதிர்க்கட்சி ஜனநாயகம் என்று திமிராகப் பேசி வருவதாகக் குற்றம்சாட்டியுள்ளது.

மேலும், ஆட்சியில் இருந்தபோது ஜனநாயகத்தை மீறிச் செயல்பட்டவர்கள் தற்போது அதன் விளைவுகளை அனுபவித்து வருவதாகவும், காவல்துறையை மிரட்டும் வகையில் ஸ்டாலின் அறிக்கை விடுவதாகவும் தவெக சுட்டிக்காட்டியுள்ளது. \”சத்திய ஆட்சி எது, சாத்தானின் ஆட்சி எது என்று மக்களுக்கே தெரியும்; அது ஸ்டாலின் சாருக்கே நன்றாகத் தெரியும்\” என்று குறிப்பிட்டுள்ள தவெக, நீதிமன்றங்களில் திமுக வாங்கிய கண்டனங்களை நினைவுபடுத்தியுள்ளது. நீதிநெறி மறந்து செயல்படும் திமுக தான் விதைக்கும் வினைகளை விரைவில் அறுவடை செய்யும் என்றும் அந்த அறிக்கையில் எச்சரிக்கப்பட்டுள்ளது.

#TVK #MKStalin #DMK #TamilNaduPolitics #PoliticalControversy #Governance #BreakingNews #BMNews #TamilNews #LatestUpdate #OppositionAttack #SocialMediaWar #PoliticalStance #StatePolitics #CurrentAffairs #TamilNaduNews #LeadershipClash #PublicDebate #PoliticalRetort #GovernmentStance