திங்கட்கிழமை மாலை பிராம்ப்டனில் இ-ஸ்கூட்டர் (e-scooter) மற்றும் SUV ரக வாகனம் ஒன்றுடன் ஒன்று மோதிக்கொண்ட விபத்தில் சிறுவன் ஒருவன் பலத்த காயமடைந்துள்ளான்.
திங்கட்கிழமை மாலை இடம்பெற்ற இந்த விபத்தை அடுத்து, இ-ஸ்கூட்டரில் சென்ற சிறுவன் அவசரமாக மருத்துவமனைக்கு அழைத்துச் செல்லப்பட்டான். வில்லியம்ஸ் பார்க்வே (Williams Parkway) மற்றும் ஜேம்ஸ் பாட்டர் வீதிக்கு (James Potter Road) அருகில் உள்ள டென்கோர் வீதிக்கு (Dencor Street) அருகிலுள்ள கிளைட் வீதியில் (Clyde Road) இந்த விபத்து நிகழ்ந்துள்ளது.
ஹோண்டா SUV ரக வாகனம் மற்றும் மின்சார சைக்கிளில் (e-bike) சென்ற சிறுவன் சம்பந்தப்பட்ட இந்த விபத்து குறித்து மாலை 7:15 மணியளவில் தமக்குத் தகவல் கிடைத்ததாக பீல் பிராந்திய பொலிஸார் (Peel Regional Police) தெரிவித்தனர்.
சிறுவன் தற்போது சீரான நிலையில் (Stable condition) இருப்பதாக பொலிஸார் தெரிவித்துள்ளனர். வாகனத்தை ஓட்டிச் சென்றவர் விபத்து நடந்த இடத்திலேயே தங்கியிருந்ததுடன், பொலிஸாரின் விசாரணைக்கு ஒத்துழைப்பு வழங்கி வருகிறார்.
கார் மற்றும் மின்சார சைக்கிள் மோதிய விபத்தில் காயமடைந்த சிறுவன், உயிருக்கு ஆபத்தில்லாத ஆனால் பலத்த காயங்களுடன் அதிர்ச்சி சிகிச்சை மையத்திற்கு (Trauma centre) கொண்டு செல்லப்பட்டதாக மருத்துவ உதவியாளர்கள் தெரிவித்தனர். விபத்து எப்படி நடந்தது என்பது குறித்த விசாரணைகள் தற்போது முன்னெடுக்கப்பட்டு வருகின்றன.
