சென்னை:
தமிழக அரசியலில் ஒரு மணி நேரத்திற்கு ஒரு அதிரடித் திருப்பம் அரங்கேறி வருகிறது. நேற்று வரை “திமுக கூட்டணியில் தான் நீடிக்கிறோம், மு.க.ஸ்டாலின் எடுக்கும் முடிவே எங்களது முடிவு” என உறுதியாகத் தெரிவித்து வந்த இந்திய யூனியன் முஸ்லிம் லீக் (IUML) கட்சி, தற்போது தனது நிலைப்பாட்டை மாற்றிக்கொண்டு தமிழக வெற்றிக் கழகத்திற்கு (தவெக) ஆதரவு அளிப்பதாக அறிவித்துள்ளது.
விசிக-வின் ஆதரவைத் தொடர்ந்து, ஐயுஎம்எல் கட்சியின் இந்தத் திடீர் ஆதரவு விஜய்க்கு மிகப்பெரிய அரசியல் வெற்றியாகப் பார்க்கப்படுகிறது. இதற்கான அதிகாரப்பூர்வ ஆதரவுக் கடிதத்தை ஐயுஎம்எல் தலைவர் காதர் மொகிதீன், தவெக தரப்பில் அருண்ராஜிடம் வழங்கியுள்ளார். இதன் மூலம் விஜய்யின் பலம் 120 எம்.எல்.ஏ-க்களாக உயர்ந்துள்ளது. ஆட்சி அமைக்கத் தேவையான 118 என்ற பெரும்பான்மை பலத்தைத் தாண்டி, கூடுதல் பலத்துடன் தவெக தற்போது உருவெடுத்துள்ளது.
தமிழக ஆளுநர் ஆர்.வி. அர்லேகர் இன்று மாலை 7 மணிக்குக் கேரளா செல்ல உள்ள நிலையில், அதற்கு முன்பாகவே விஜய் ஆளுநர் மாளிகைக்குச் சென்று 120 எம்.எல்.ஏ-க்களின் ஆதரவு கடிதத்தைச் சமர்ப்பித்து ஆட்சி அமைக்க உரிமை கோர உள்ளார். இதனால் இன்று இரவுக்குள் ஆளுநரிடமிருந்து ஆட்சி அமைக்க வருமாறு அழைப்பு வரும் என்று தவெக தொண்டர்கள் மிகுந்த உற்சாகத்துடன் காத்திருக்கின்றனர்.
#IUML #KaderMohideen #VijayAsCM #TVK #BreakingNews #May9 #TamilNaduPolitics #PoliticalUturn #120MLAs #ThalapathyVijay #NewGovernmentTN #MajorityAchieved #AllianceUpdate #StalinVsVijay #ElectionResults2026 #GovernorHouse #ChennaiNews #VictoryForVijay #TamilNews #VijayMakkalIyakkam_“`
