சென்னை:
தமிழகச் சட்டமன்றத் தேர்தல் முடிவுகளுக்குப் பிறகு ஏற்பட்டுள்ள அரசியல் குழப்பங்களுக்கு இடையே, எடப்பாடி பழனிசாமி தலைமையில் அதிமுக மீண்டும் ஆட்சி அமைக்கும் என அக்கட்சியின் மூத்த தலைவரும் எம்பியுமான தம்பிதுரை நம்பிக்கை தெரிவித்துள்ளார். சென்னையில் செய்தியாளர்களைச் சந்தித்த அவர், மக்கள் விருப்பத்தின்படி உரிய காலத்தில் அதிமுக ஆட்சி அமையும் எனத் தெரிவித்தார்.
தவெக 108 இடங்களைப் பெற்றிருந்தாலும், பெரும்பான்மைக்குத் தேவையான 118 இடங்கள் இல்லாததால் அக்கட்சியால் ஆட்சி அமைக்க முடியாத சூழல் நிலவுகிறது. இதைப் பயன்படுத்தி, திமுக-வின் வெளிப்படையான அல்லது மறைமுக ஆதரவுடன் அதிமுக ஆட்சியமைக்கத் திரைமறைவுப் பேச்சுவார்த்தைகள் தீவிரமாக நடைபெற்று வருவதாகத் தகவல்கள் தெரிவிக்கின்றன. புதுச்சேரி சொகுசு விடுதியில் தங்கியுள்ள எம்.எல்.ஏ-க்களுடன் எடப்பாடி பழனிசாமி ஆலோசனை நடத்தியுள்ள நிலையில், இன்று அவர் ஆளுநரைச் சந்திக்க நேரம் கேட்டுள்ளார். இது குறித்துப் பேசிய தம்பிதுரை, “அதிமுக ஆட்சிக்கு வர வேண்டும் என்பதே மக்களின் விருப்பம். எடப்பாடி பழனிசாமி இது குறித்த அதிகாரப்பூர்வ அறிவிப்பை விரைவில் வெளியிடுவார்” என்றார். திமுக நிர்வாகி டி.கே.எஸ். இளங்கோவன் அதிமுக ஆதரவு கோரியதை உறுதிப்படுத்தியுள்ள நிலையில், தம்பிதுரையின் இந்தப் பேச்சு தமிழக அரசியலில் புதிய திருப்பத்தை ஏற்படுத்தியுள்ளது.
#EPS #ADMK #Thambidurai #BreakingNews #May8 #TamilNaduPolitics #NewGovernmentTN #DMK_ADMK_Alliance #Vijay #TVK #MajorityTest #EdappadiPalaniswami #StalinVsVijay #PoliticalStrategy #TNElectionResults2026 #AssemblyUpdate #TamilNews #VijayAsCM #ThalapathyVijay #VijayMakkalIyakkam_“`
