சென்னை:

முதலமைச்சர் விஜய்யின் அரசியல் பிரிவு சிறப்புப் பணி அதிகாரியாக ஜோதிடர் ரிக்ரி ரத்தன் பண்டிட் வெற்றிவேல் நியமிக்கப்பட்ட அரசாணையைத் தமிழக அரசு அதிரடியாகத் திரும்பப் பெற்றுள்ளது. நியமனம் செய்யப்பட்ட 24 மணி நேரத்திற்குள்ளேயே இந்த உத்தரவு வாபஸ் பெறப்பட்டுள்ளது குறிப்பிடத்தக்கது.

https://youtu.be/lzUo6nATsq8

தவெக செய்தித் தொடர்பாளராகவும், பிரபல ஜோதிடராகவும் அறியப்படும் ரத்தன் பண்டிட்டின் நியமனத்திற்கு அரசியல் வட்டாரங்களில் கடும் எதிர்ப்பு கிளம்பியது. “ஜோதிடர் எப்படி அரசியல் ஆலோசனைகளை வழங்க முடியும்?” என இடதுசாரி கட்சிகள் கேள்வி எழுப்பியதோடு, விசிக, தேமுதிக, மஜக உள்ளிட்ட கூட்டணிக் கட்சிகளும் சட்டமன்றத்தில் தங்களது கண்டனங்களைப் பதிவு செய்தன. இது ஒருபுறமிருக்க, இந்த நியமனம் விதிகளுக்குப் புறம்பானது என வழக்கறிஞர் ஆர். ரதி என்பவர் சென்னை உயர்நீதிமன்றத்தில் வழக்கும் தொடர்ந்திருந்தார்.

கூட்டணிக் கட்சிகளின் அழுத்தம் மற்றும் சட்டச் சிக்கல்களைக் கருத்தில் கொண்டு, முதலமைச்சர் விஜய் இந்த நியமனத்தைத் திரும்பப் பெற உத்தரவிட்டுள்ளார். இதனைத் தொடர்ந்து, பொதுத்துறை முதன்மைச் செயலாளர் ரீட்டா ஹரிஷ் தாக்கூர் இதற்கான அதிகாரப்பூர்வ அறிவிப்பை வெளியிட்டுள்ளார். பதவியேற்ற சில நாட்களிலேயே எதிர்க்கட்சிகள் மற்றும் கூட்டணிக் கட்சிகளின் விமர்சனத்திற்கு உள்ளான இந்த விவகாரத்திற்குத் தமிழக அரசு விரைந்து முற்றுப்புள்ளி வைத்துள்ளது.

#RathanPandit #VijayAsCM #TVK_Government #BreakingNews #May13 #TamilNaduPolitics #AppointmentWithdrawn #AstrologerControversy #HighCourtCase #ThalapathyVijay #NewGovernmentTN #AssemblyUpdates #PoliticalDecision #StalinVsVijay #VCK #CPI #TamilNews #VijayMakkalIyakkam #CM_Vijay_Official_“`