இன்று அதிகாலை ஸ்கார்பரோவில் இடம்பெற்ற கத்திக்குத்துச் சம்பவத்தில் காயமடைந்த நபர் ஒருவர் அவசரமாக மருத்துவமனைக்கு கொண்டு செல்லப்பட்டார்.
கிங்ஸ்டன் வீதி (Kingston Road) மற்றும் பிரிம்லி வீதிக்கு (Brimley Road) அருகில் கத்திக்குத்துச் சம்பவம் இடம்பெற்றதாகக் கிடைத்த தகவலின் அடிப்படையில், காலை 5:43 மணியளவில் டொராண்டோ பொலிஸார் சம்பவ இடத்திற்கு விரைந்தனர். அங்கு கத்திக்குத்து காயங்களுடன் இருந்த ஒருவரை பொலிஸார் கண்டறிந்தனர்.
அவர் அவசர சிகிச்சை பிரிவினரால் (Paramedics) மருத்துவமனைக்குக் கொண்டு செல்லப்பட்டார். குறித்த நபர் உயிருக்கு ஆபத்தான நிலையில் பலத்த காயங்களுக்கு உள்ளாகியிருப்பதாக அதிகாரிகள் தெரிவித்துள்ளனர்.
சம்பவம் நடந்த இடத்திலேயே இரண்டு சந்தேக நபர்களைக் கைது செய்துள்ளதாகப் பொலிஸார் குறிப்பிட்டுள்ளனர். இது தொடர்பான மேலதிக விசாரணைகள் தொடர்ந்து முன்னெடுக்கப்பட்டு வருகின்றன.
