வெள்ளை மாளிகை நிருபர்கள் சங்க இரவு விருந்தில் அச்சுறுத்தலை ஏற்படுத்திய சந்தேக நபர், கலிபோர்னியாவைச் சேர்ந்த ஒரு கல்வியாளர் மற்றும் விருது பெற்ற ஆசிரியர் என்ற திடுக்கிடும் தகவல் வெளியாகியுள்ளது.
சந்தேக நபர் குறித்த விபரங்கள்:
கைது செய்யப்பட்டுள்ள 31 வயதுடைய கோல் ஆலன் (Cole Allen), கலிபோர்னியாவின் டொரன்ஸ் (Torrance) பகுதியில் உள்ள ‘C2 Education’ என்ற தனியார் கல்வி நிறுவனத்தில் ஆசிரியராகப் பணியாற்றியவர் என்பது உறுதிப்படுத்தப்பட்டுள்ளது.
சிபிஎஸ் (CBS) செய்தி நிறுவனத்தின் தகவல்படி:
இவர் கடந்த 2024 டிசம்பர் மாதம் “மாதத்தின் சிறந்த ஆசிரியர்” (Teacher of the Month) விருதினைப் பெற்றுள்ளார்.
அமெரிக்காவின் புகழ்பெற்ற கலிபோர்னியா தொழில்நுட்பக் கழகத்தில் (Caltech) 2017 ஆம் ஆண்டு பட்டம் பெற்றுள்ளார்.
தாக்குதல் முயற்சி:
ஒரு ஷாட்கன், கைத்துப்பாக்கி மற்றும் பல கத்திகளுடன் ஹோட்டல் பாதுகாப்புச் சோதனைச் சாவடியை நோக்கிப் பாய்ந்து வந்த இவர், பாதுகாப்புப் படையினரால் முடக்கப்பட்டார். அவர் அதே ஹோட்டலில் ஒரு விருந்தினராகத் தங்கியிருந்து இந்தத் தாக்குதலுக்குத் திட்டமிட்டுள்ளமை விசாரணையில் தெரியவந்துள்ளது.
விசாரணை:
அறிவுசார் பின்னணி கொண்ட ஒரு ஆசிரியர் ஏன் இத்தகைய வன்முறையில் ஈடுபட்டார் என்பது குறித்து புலனாய்வு அமைப்புகள் தீவிரமாக ஆராய்ந்து வருகின்றன. இதுவரை அவரது தாக்குதலுக்கான நோக்கம் குறித்து எந்தத் தகவலும் வெளியாகவில்லை
