கனடா குடிமகன் ரயன் ஃப்ரீசன், 2023 மார்ச் மாதத்தில் மெக்சிகோவில் உள்ள ஐந்து நட்சத்திர விடுதியில் தனது காதலி கியாரா ஆக்னியுவை கொலை செய்ததாக மெக்சிகோ நீதித்துறை மஜிஸ்திரேட் ஒருவரால் குற்றவாளி என அறிவிக்கப்பட்டுள்ளார்.
கியாரா, அந்த விடுதியின் சலவை அறையில் கடுமையாக தாக்கப்பட்ட நிலையில் உயிரிழந்தவராகக் கண்டுபிடிக்கப்பட்டார். அவரின் உடலுக்கருகில் ரயன் தூங்கிக் கொண்டிருந்ததாகவும் தெரிவிக்கப்பட்டுள்ளது.
சம்பவ நேரத்தில் ரயன் உடனடியாக கைது செய்யப்பட்டு கொலை குற்றச்சாட்டில் வழக்குப்பதிவு செய்யப்பட்டது. எனினும், நீதிபதி மட்டுமே அமர்ந்த விசாரணையின் பின்னர், 2024 செப்டம்பரில் அவர் குற்றமற்றவர் எனத் தீர்ப்பளிக்கப்பட்டார்.
இத்தீர்ப்பு, இன்று முன்பாக சுயாதீன மஜிஸ்திரேட் ஒருவரால் மாற்றியமைக்கப்பட்டதாக, கனடாவின் உலகளாவிய விவகாரங்கள் துறை (Global Affairs Canada) மூலம் அறிவிக்கப்பட்டதையடுத்து, கியாராவின் குடும்பத்தினர் அறிந்துகொண்டனர்.
“… நீதிபதி வழங்கிய தீர்ப்பு மாற்றியமைக்கப்பட்டுள்ளது. அதேவேளை, குற்றம் சாட்டப்பட்டவரின் வழக்கறிஞர்கள் அந்தத் தீர்ப்புக்கு எதிராக ‘அம்பாரோ’ (amparo) எனப்படும் சட்ட நடைமுறையை மேற்கொண்டுள்ளனர் என்பதையும் நான் அறிகிறேன். நீதிபதியின் தீர்ப்பை சவால் செய்ய அனுமதிக்கும் ஒரு சட்ட வழிமுறையாக அம்பாரோ செயல்படுகிறது என்பது என் புரிதல்,” என GAC தூதரக வழக்கு மேலாண்மை அதிகாரி ஒருவர், கியாராவின் பெற்றோர்கள் மிசேல் மற்றும் டிரெவருக்கு எழுதியுள்ளார்.
ரயனின் வழக்கறிஞர்கள் தற்போது அந்தத் தீர்ப்புக்கு மேல்முறையீடு செய்துள்ளனர். மேல்முறையீடு தோல்வியடைந்தால், மெக்சிகோவில் அவருக்கு அதிகபட்சமாக 50 ஆண்டுகள் சிறைத் தண்டனை விதிக்கப்பட வாய்ப்புள்ளது.
