சென்னை
தவெக அரசின் பட்ஜெட் கூட்டத்தொடரில், காவிரி மற்றும் மேகதாது விவகாரம் குறித்து எதிர்க்கட்சித் தலைவர் உதயநிதி ஸ்டாலின் எழுப்பிய சரமாரி கேள்விகளுக்கு, முதலமைச்சர் ஜோசப் விஜய் சட்டப்பேரவையில் ஆவேசமாகப் பதிலளித்துள்ளார். மேகதாது விவகாரத்தில் தமிழ்நாட்டின் உரிமையை ஒருபோதும் விட்டுத்தர மாட்டோம் என அவர் திட்டவட்டமாகத் தெரிவித்துள்ளார்!
சட்டப்பேரவையில் பேசிய முதலமைச்சர் விஜய், “காவிரி நமக்கு உயிர் ஆதாரம்; அதனை வைத்து அரசியல் செய்யும் எண்ணம் இந்த அரசுக்குத் துளியும் இல்லை. மேகதாது அணை கட்டும் விவகாரத்தில் தமிழ்நாட்டின் உரிமையை நாம் ஒருபோதும் விட்டுத்தர மாட்டோம். காவிரிப் பிரச்சனையில் பேச்சுவார்த்தை நடத்தலாம் என முதலில் கோரிக்கை வைத்தது நான்தான். மேகதாது விவகாரத்தில் நாம் அனைவரும் இணைந்து நிறைவேற்றிய தீர்மானத்தைப் பிரதமருக்கும் அனுப்பி வைத்திருக்கிறோம். மத்திய அமைச்சரின் பதிலுக்குப் பின் உச்ச நீதிமன்றத் தீர்ப்பைச் சுட்டிக்காட்டிக் கடிதமும் எழுதியுள்ளேன்” என ஆணித்தரமாகத் தெரிவித்தார்.
கர்நாடகா சென்று பேச்சுவார்த்தை நடத்துவது குறித்த விமர்சனங்களுக்குப் பதிலளித்த அவர், “பகை நாடுகளே பேசித் தீர்க்கும் போது, பக்கத்து மாநிலத்துடன் பேசிப் பார்க்கலாமே என்றுதான் நினைத்தேன். காவிரி விவகாரத்தைத் தீர்ப்பதற்கான ஒரே எண்ணத்துக்காகவே பெங்களூரு செல்ல முடிவெடுத்தேன். ஒருவேளை பெங்களூரு சென்று அங்கு எனக்கு ஏதாவது அவமானம் நடந்தால் என்னாகும் எனப் பலரும் கேட்டார்கள். தமிழ்நாட்டு மக்களுக்காக அந்த அவமானத்தையும் தாங்கிக் கொள்ள நான் முழுமையாகத் தயாராக இருக்கிறேன்!” என உணர்ச்சிப்பொங்கத் தெரிவித்தார். முதலமைச்சரின் இந்த அதிரடிப் பேச்சு பேரவையில் பெரும் அதிர்வலைகளை ஏற்படுத்தியுள்ளது.
#ThalapathyVijay #ChiefMinisterVijay #TVKGovernment #CauveryIssue #MekedatuDam #TamilNaduPolitics #TNPolitics #Chennai #TNAssembly #UdhayanidhiStalin #TamilNews #ViralNews #LatestNewsTN #TrendingTN #PoliticalUpdatesTN
