: நடராஜர் காண்டீபன்
கடந்த 2026 செப்டம்பர் மாதம் 26 ஆம் தேதி நான் வெடுக்குநாறி மலைக்குச் சென்றிருந்தேன். அந்த மலையிலும் அந்த மலையடி வாரத்திலும் இருக்கும் சான்றுகள் அனைத்துமே தமிழரின் பண்டைய நாகரிகத்தை நிரூபித்து நிற்கும் நாகர்காலத்துக்கு உரியவை என்பதனை நான் ஒரு காணொளி மூலமாக சுட்டிக் காட்டியிருந்தேன்.
இப்போது சிங்கள பௌத்த பேரினவாதிகள், குறித்த எனது காணொளியை காவிக்கொண்டு நான் வரலாற்றை புனைவதாகவும் திரிபுபடுத்துவதாகவும் கூவிக்கொண்டு திரிகிறார்கள்.
பண்டைத் தமிழன் பண்பாட்டோடு பிணைந்திருந்த குருந்தூர் மலைக்கு என்ன நடந்தது?
வவுனியாவின் வரலாற்றுச் சிறப்புமிக்க பிரதேசத்தை ‘போகஸ்வவ’ என பெயர் மாற்றம் செய்து உருமாற்றம் செய்து ஆக்கிரமித்து நிற்கும் சிங்கள பௌத்த பேரினவாத அரசு இப்போது வெடுக்குநாறிமலையின் வரலாற்றையும் மாற்றி போலியான வரலாற்றை வர்த்தமானியில் வெளியிடுவதற்கு தயாராகி வருகிறது.
தமிழ் தேசியப் பற்றாளர்களே! தமிழின உணர்வாளர்களே! தமிழ் துறை பேராசிரியர்களே! தமிழ் புத்திஜீவிகளே! பல்கலைக்கழக மாணவர்களே! புலம்பெயர் தேசத்து தாய்த் தமிழ் உறவுகளே! தமிழ் மக்களின் பிரதி நிதிகளே!
அடுத்த கட்ட நடவடிக்கைக்காக அவசரமாக கலந்துரையாடுங்கள்.
தொல்பொருள் சான்றாதாரங்களுடன் செழிப்பான ஆதித் தமிழர் வரலாற்றைக் கொண்டிருக்கும் வெடுக்குநாறி மலையையும் நாங்கள் பறிகொடுக்கப் போகின்றோமா?
வெடுக்குநாறிமலையின் ஆதிகால வரலாற்றை சற்றே படியுங்கள்.
” இலங்கையில் நாகரும் தமிழர் சமுதாயமும்” எனும் தனது நூலின் இரண்டாம் அத்தியாயத்தில் “வன்னியில் பெருங்கற்கால பண்பாடு – நாகரும் தமிழும்” எனும் தலைப்பின் கீழான கட்டுரையில் வரலாற்றுத்துறை பேராசிரியர் சி. பத்மநாதன் அவர்கள் பின்வருமாறு குறிப்பிட்டுள்ளார்.
“ஆதி வரலாற்று காலத்தில் நெடுங்கேணி ஒரு வேள்புலத்தின் மையப் பகுதியாக அமைந்திருந்தது என்று கொள்வதற்கான சான்றுகள் உண்டு….. அங்கு காணப்படும் பிரதான உருப்படி, பாம்பின் வளைவு போலான, 42 அடி நீளமான பிரமாண்டமான கல்லாகும். இதனைப் போன்ற வடிவங்களைக் கொண்ட உருப்படி இலங்கையில் வேறு எங்கும் காணப்படவில்லை. நிலத்தில் அமைந்திருந்த பெருங்கற்பாறையினை தேவைக்கேற்ப வெட்டியதன் மூலம் இதன் கோலம் உருவாக்கப்பட்டுள்ளது.” ( பக்கம் 30 – இத்துடன் இணைக்கப்பட்டுள்ளது)
“…. அதற்குப் பின்புறத்திலே தென்கிழக்கு திசையில் ஒரு நாகலிங்க வடிவம் தெரிகின்றது. சிவலிங்கத்தின் மேலே ஐந்து தலை நாக வடிவம் செதுக்கப்பட்டுள்ளது. இந் நாட்களிலும் அங்குள்ளவர்கள் அதற்கு சந்தனம் வைத்து மலர் சொரிந்து
வழிபடுகின்றனர். இந்தச் சிற்பம் ஆதியில் கோட்டம் ஒன்றின் மூலவராக இருந்திருக்கலாம். ” ( பக்கம் 31 – இத்துடன் இணைக்கப்பட்டுள்ளது)
வழிபடுகின்றனர். இந்தச் சிற்பம் ஆதியில் கோட்டம் ஒன்றின் மூலவராக இருந்திருக்கலாம். ” ( பக்கம் 31 – இத்துடன் இணைக்கப்பட்டுள்ளது)மேலும் பேராசிரியர் பத்மநாதனுடைய ‘Tamil Inscriptions in Sri Lanka”
எனும் புத்தகத்தின் அத்தியாயம் 5 இல் “Tamil – Brahmi Inscriptions from Vetukkunarimalai’ எனும் தலைப்பில் அமைந்த கட்டுரையில் பின்வருமாறு பதிவு செய்கிறார்.
“There are two other places on the rock where inscriptions in Tamil Brahmi characters are found. At the center of one of these places is deep and circular cavity excavated on the rock. The size and depth of the cavity suggests that it was used for conserving water. As it is surrounded by inscriptions it may, perhaps, be assumed that it was used for the performance of some rituals connected with Naga cult…. (At page 96 – copy annexed)
The text reads:
Vel nakan making vel kannan
Vel kannan makan vel nakan
(வேள் நாகன் மகன் வேள் கண்ணன் வேள் கண்ணன் மகன் வேள் நாகன்)
…..
The large image of the Sivalinga, two Naga sculptures and a stone block resembling a huge free standing rectangular of an unusual form and bearing inscriptions on its surface are among the principal archaeological monuments at the site. The name ‘maninakan’ is found engraved on the Naga stones. ” (At page 97- copy anneced)
மேலும் பேராசிரியர் சுனில் ஆரியரத்ன தனது ” Demala Baudhdhaya” – “தெமழ பௌத்தயா” (“தமிழ் பௌத்தன்”) எனும் சிங்களத்தில் எழுதப்பட்ட நூலில் பின்வருமாறு குறிப்பிடுகிறார்: (பக்கம் 224/225 – இத்துடன் இணைக்கப்பட்டுள்ளது)
” පාලි වංශ කතාවල සඳහන් වන නාග ගෝත්රිකයන් බුදු සමය වැළඳ ගැනීම පිළිබඳ නව අර්ථකතනයක් සැපයීමෙන් දෙමළ බුදු සමයෙහි ඉතිහාසයට නව එළියක් පතිත වන්නේය.
නාගදීපයට සහ කැලණියට බුදුන් වැඩියේ ඉලංකෛහි සිංහල රජය පිහිටුවන්ට පෙර ය. ඒ වන විට නාගදීප හෙවත් නාග නාඩු හි නාග ගෝත්රිකයන් කතා කළේ දෙමළ ය. එසේ නම් කැලණියේ නාගයන්ගේ භාෂාව ද දෙමළ විය යුතු ය . එසේ නම් එදා ඉලංකෛහි පහළ වූයේ දෙමළ බුද්ධාගම යි. මේ දෙමළ බුද්ධාගම පසුකාලයේ දී මිහිඳු හිමියන් හඳුන්වා දුන් බුද්ධාගම සමග මිශ්ර වන්ට ඇත.”
பிரித்தெடுக்கப்பட்ட குறித்த பந்தியின் தமிழாக்கம் கீழே தரப்படுகிறது.
“பாளி வம்ச கதைகளில் குறிப்பிடப்படும் நாக கோத்திரத்தவர்கள் புத்த சமயத்தை பின்பற்ற தொடங்கியது தொடர்பான தகவலுக்கு புதிய பொருள்கோடலை செய்வதன் மூலமாக தமிழ் பௌத்த சமய வரலாற்றுக்கு புதிய ஒளி பாய்ச்சப்படுகிறது.
நாகதீபம் மற்றும் களனிக்கு புத்தபெருமானின் வருகையானது இலங்கையில் சிங்கள அரசு உருவாக்கப்படுவதற்கு
முன்பானதாகும். அக்காலப் பகுதியில் நாகதீபம் அல்லது நாகநாட்டில் நாக கோத்திரத்தின் பேச்சுமொழி தமிழ் ஆகும். அப்படியானால் களனியில். ..(பக்கம் -224)…. இருந்த நாகர்களது மொழியும் தமிழாய் இருந்திருக்க வேண்டும். அப்படியானால் அன்றைய காலப்பகுதியில் இலங்கைக்கு வந்திருந்தது தமிழ் பௌத்தம் ஆகும். இந்தத் தமிழ் பௌத்தமே பிற்காலப் பகுதியில் ‘மிகுந்து’ பிக்குவால் அறிமுகப்படுத்தப்பட்ட சிங்கள பௌத்தத்தோடு கலப்படைந்து இருக்க வேண்டும். (பக்கம் -225)”
சிங்கள பௌத்த பேரினவாதத்தினால் காவுகொள்ளப்பட்டுக்கொண்டிருக்கும் எங்கள் வெடுக்குநாறி வெறும் நிலம் அல்ல? தமிழ் இனத்தின் மொழி பண்பாடு இருப்பு என அனைத்தையும் தாங்கி நிற்கும் என் தாய் நிலம்.
இந்த நிலத்திற்காகத் தானே ஒரு சந்ததியையே நாங்கள் இழந்து நிற்கிறோம். இனிவரும் சந்ததிக்காய் எங்கள் தாய் நிலத்தில் நாங்கள் எழுந்து நிற்போம் வாருங்கள்.
வெடுக்குநாறி மலை என் வரலாறு! என் பண்பாடு! என் மொழி! என் இனத்தின் எல்லா அடையாளங்களையும் தாங்கி நிற்கும் என் தாய் நிலம் .
தமிழராய் ஒன்றாவோம்! தாய் நிலத்தை வென்றாவோம்!
‘வரலாறு எனது வழிகாட்டி” – மேதகு
வரலாற்றைப் படி! வரலாற்றைப் படை
