பாகிஸ்​தான் – தென் ஆப்​பிரிக்கா அணி​கள் இடையி​லான முதல் டெஸ்ட் கிரிக்​கெட் போட்டி லாகூரில் நடை​பெற்று வரு​கிறது. இதன் முதல் இன்​னிங்​ஸில் பாகிஸ்​தான் அணி 378 ரன்​கள் குவித்​தது.

இதையடுத்து விளை​யாடிய தென் ஆப்​பிரிக்க அணி 2-வது நாள் ஆட்​டத்​தின் முடி​வில் 67 ஓவர்​களில் 6 விக்​கெட்​கள் இழப்​புக்கு 216 ரன்​கள் எடுத்​தது. டோனி டி ஸோர்ஸி 81 ரன்​களும், செனுரன் முத்​து​சாமி 6 ரன்​களும் சேர்த்து களத்​தில் இருந்​தனர். நேற்று 3-வது நாள் ஆட்​டத்தை தொடர்ந்து விளை​யாடிய தென் ஆப்​பிரிக்க அணி 84 ஓவர்​களில் 269 ரன்​களுக்கு ஆட்​ட​மிழந்​தது. தனது 2-வது சதத்தை விளாசிய டோனி டி ஸோர்ஸி 171 பந்​துகளில், 2 சிக்​ஸர்​கள், 10 பவுண்​டரி​களு​டன் 104 ரன்​கள் எடுத்து நோமன் அலி பந்​தில் ஆட்​ட​மிழந்​தார்.

செனுரன் முத்​து​சாமி 11, பிரேனலன் சுப்​ராயன் 4, காகிசோ ரபாடா 0 ரன்​களில் வெளி​யேறினர். பாகிஸ்​தான் அணி தரப்​பில் நோமன் அலி 6, சஜித் கான் 3 விக்​கெட்களை வீழ்த்​தினர். 109 ரன்​கள் முன்​னிலை​யுடன் 2-வது இன்​னிங்ஸை விளை​யாடிய பாகிஸ்​தான் அணி 46.1 ஓவர்​களில் 167 ரன்​களுக்கு சுருண்​டது.
அதி​கபட்​ச​மாக பாபர் அஸம் 42, அப்​துல்லா ஷபிக் 41, சவுத் ஷகீல் 38 ரன்​கள் சேர்த்​தனர். தென் ஆப்​பிரிக்க அணி சார்​பில் செனுரன் முத்​து​சாமி 5, சைமன் ஹார்​மர் 4 விக்​கெட்​களை வீழ்த்​தினர்.

இதையடுத்து 277 ரன்​கள் இலக்​குடன் பேட் செய்த தென் ஆப்​பிரிக்க அணி 3-வது நாள் ஆட்​டத்​தின் முடி​வில் 22 ஓவர்​களில் 2 விக்​கெட்​கள் இழப்​புக்கு 51 ரன்​கள் எடுத்​தது. எய்​டன் மார்க்​ரம் 3, வியான் முல்​டர் 0 ரன்​களில் நோமன் அலி பந்​தில் வெளி​யேறினர். ரியான் ரிக்​கெல்​டன் 29, டோனி டி ஸோர்ஸி 16 ரன்​களு​டன் களத்​தில் இருந்​தனர். கைவசம் 8 விக்​கெட்​கள் இருக்க வெற்​றிக்கு மேற்​கொண்டு 226 ரன்​கள் தேவை என்ற நிலை​யில் தென் ஆப்​பிரிக்க அணி இன்று 4-வது நாள்​ ஆட்​டத்​தை எதிர்​கொள்​கிறது. லாகூர் மைதானத்தில் இதற்கு முன்னர் அதிகபட்சமாக வெற்றிகரமாக துரத்தப்பட்ட இலக்கு 208 ரன்கள்தான். கடந்த 1961-ம் ஆண்டு பாகிஸ்தான் அணிக்கு எதிரான டெஸ்ட் போட்டியில் இந்த இலக்கை துரத்தி இங்கிலாந்து அணி வெற்றி கண்டிருந்தது. தற்போது தென் ஆப்பிரிக்க அணி வெற்றி பெற்றால் இந்த மைதானத்தில் அதிக ரன்கள் இலக்கை எட்டிய அணி என்ற சாதனையை படைக்கும்

HinduTamil