சென்னை:

தமிழகத்தில் நிலவும் அரசியல் முட்டுக்கட்டைக்கு இடையே, தமிழக வெற்றிக் கழகத்திற்கு (தவெக) ஆதரவு அளிப்பது குறித்து விடுதலைச் சிறுத்தைகள் கட்சி இன்று மாலை முக்கிய முடிவெடுக்க உள்ளது. சென்னை வேளச்சேரியில் செய்தியாளர்களைச் சந்தித்த விசிக தலைவர் தொல். திருமாவளவன், தவெக-விற்கு ஆதரவு அளிப்பது தொடர்பாக இன்னும் இறுதி முடிவு எடுக்கப்படவில்லை எனத் தெரிவித்தார்.

இது குறித்து அவர் கூறுகையில், “தற்போதைய அரசியல் நெருக்கடி மற்றும் தவெக-வின் ஆதரவு கோரிக்கை குறித்து ஆலோசிக்க இன்று மாலை விசிக உயர்நிலைக் குழுவின் அவசரக் கூட்டம் இணைய வழியாக நடைபெற உள்ளது. ஜனநாயக முறையில் கட்சி நிர்வாகிகள் மற்றும் தொண்டர்களின் கருத்துகளைக் கேட்டறிய வேண்டியது எனது கடமை. இந்த ஆலோசனைக் கூட்டத்திற்குப் பிறகு கட்சியின் அதிகாரப்பூர்வ நிலைப்பாடு குறித்து முடிவு எடுக்கப்பட்டு, நாளை காலை அறிவிக்கப்படும்” எனத் தெரிவித்தார். காங்கிரஸ் ஏற்கனவே ஆதரவு அளித்துள்ள நிலையில், விசிக மற்றும் இடதுசாரிகளின் 6 எம்.எல்.ஏ-க்களின் ஆதரவு கிடைத்தால் மட்டுமே விஜய்யால் ‘மேஜிக் எண்’ ஆன 118-ஐ எட்டிப் பிடிக்க முடியும். இதனால் விசிக-வின் இந்த மாலை நேர ஆலோசனைக் கூட்டம் தமிழக அரசியல் களத்தில் பெரும் எதிர்பார்ப்பை ஏற்படுத்தியுள்ளது.

#Thirumavalavan #VCK #Vijay #TVK #BreakingNews #May8 #TamilNaduPolitics #AllianceTalks #MajorityTest #ThalapathyVijay #VijayAsCM #StalinVsVijay #ElectionResults2026 #PoliticalCrisis #NewGovernmentTN #AssemblyUpdate #Velachery #DravidianPolitics #TamilNews #VijayMakkalIyakkam_“`