தமிழக வெற்றிக் கழகத்தின் தேர்தல் பிரசாரக் குழு அமைக்கப்பட்டுள்ளதாக தலைவர் விஜய் அறிவித்துள்ளார்.
தமிழகத்தில் சட்டப் பேரவைத் தேர்தலுக்கு இன்னும் சில மாதங்களே இருக்கும் நிலையில், தேர்தலுக்கான பணிகள் சூடிபிடிக்கத் தொடங்கியுள்ளன.
தேசிய ஜனநாயகக் கூட்டணியில் அதிமுக, பாஜகவும், திமுக தலைமையில் இந்தியா கூட்டணியும், நாம் தமிழர் கட்சியின் சீமான், தமிழக வெற்றிக் கழகம் உள்ளிட்ட கட்சிகள் தனித்தும் களம்காண இருக்கின்றன.
இந்தியா கூட்டணியில் இருக்கும் காங்கிரஸ், தேமுதிக, ராமதாஸின் பாமக உள்ளிட்ட சில கட்சிகள் இன்னும் தங்கள் கூட்டணியை உறுதிசெய்யாத நிலையில், அந்தக் கட்சிகள் தவெகவுடன் கைகோர்க்குமா? என்ற ஆவலும் அதிகரித்திருக்கிறது.
அதேவேளையில் திமுக, அதிமுக உள்ளிட்ட பிரதான ஆளும், எதிர்க்கட்சிகள் தேர்தல் அறிக்கை தயாரிக்கும் பணியில் தீவிரம் காட்டி வருகின்றன. அதற்கு குழுக்களும் அமைக்கப்பட்டுள்ளன.
