கடந்த மாதம் நியூ சட்பரி பகுதியில் உள்ள சில்லறை விற்பனை கடை ஒன்றில் இரண்டு பெண்களிடம் அத்துமீறியதாக, பெரும் டொராண்டோ பகுதியை (GTA) சேர்ந்த 19 வயது இளைஞர் ஒருவர் கைது செய்யப்பட்டுள்ளார்.
கடந்த மார்ச் 26-ஆம் தேதி மதியம் 1:40 மணியளவில், நியூ சட்பரி பகுதியில் உள்ள ஒரு கடையில் இரண்டு பெண்களை ஒரு நபர் பின்தொடர்ந்துள்ளார். பின்னர் அவர்களில் ஒருவரை பாலியல் ரீதியாகத் தாக்கிவிட்டு, அங்கிருந்து தப்பியோடியுள்ளார்.
இந்தச் சம்பவத்தில் பாதிக்கப்பட்ட பெண்கள் 16 மற்றும் 18 வயதுடையவர்கள். இவர்களுக்கும் அந்த இளைஞருக்கும் முன்னதாக எந்த அறிமுகமும் இல்லை என்று போலீசார் தெரிவித்துள்ளனர்.
சட்பரி போலீசாரின் தீவிர விசாரணையைத் தொடர்ந்து, டொராண்டோ போலீசாரின் உதவியுடன் ஏப்ரல் 8-ஆம் தேதி காலை அந்த 19 வயது இளைஞர் கைது செய்யப்பட்டார்.
கைது செய்யப்பட்ட இளைஞர் மீது பின்வரும் குற்றச்சாட்டுகள் பதிவு செய்யப்பட்டுள்ளன:
பாலியல் வன்கொடுமை (Sexual Assault) – 2 வழக்குகள்
குற்றவியல் துன்புறுத்தல் (Criminal Harassment) – 2 வழக்குகள்
ஆரம்பத்தில் இந்த நபர் 18 வயதிற்குட்பட்டவராக இருக்கலாம் என்று கருதப்பட்டதால், நீதிமன்ற அனுமதியுடன் அவரது புகைப்படங்கள் வெளியிடப்பட்டன. ஆனால், விசாரணையில் அவர் தெற்கு ஒன்ராறியோவைச் சேர்ந்த 19 வயது இளைஞர் என்பது உறுதி செய்யப்பட்டது. பாதிக்கப்பட்டவர்களின் தனியுரிமையைப் பாதுகாக்கும் பொருட்டு, கூடுதல் விவரங்களை வெளியிட போலீசார் மறுத்துவிட்டனர்.
கைது செய்யப்பட்ட இளைஞர், டொராண்டோவில் இருந்தபடி சட்பரி நீதிமன்றத்தில் காணொளி வாயிலாக முன்னிலைப்படுத்தப்பட்டார்.
