பிராம்ப்டன் நகரம் – ஐரிஷ் பாரம்பரிய மாதத்தை கொண்டாட குடியிருப்பாளர்களுக்கு அழைப்பு விடுத்துள்ளது. பிராம்ப்டன் நகரம் மற்றும் Rovers Club / Irish Pavilion of Carabram ஆகியவை இணைந்து ஐரிஷ் பாரம்பரிய மாதத்தை கொண்டாட பொது மக்களை அழைத்துள்ளது.
இந்த ஆண்டுதோறும் நடைபெறும் நிகழ்வு, பிராம்ப்டனிலும் கனடா முழுவதும் வாழும் ஐரிஷ்-கனடியர்களின் வரலாறு, கலாசாரம் மற்றும் சமூகத்திற்கான பங்களிப்புகளை கௌரவிக்கிறமை குறிப்பிடத்தக்கது.
நிகழ்வு விபரம்
தேதி: மார்ச் 17, 2026
நேரம்: காலை 10 மணி – மதியம் 12 மணி வரை
இடம்: பிராம்ப்டன் சிட்டி ஹால், 2 Wellington St. W.
கொண்டாட்டம் Ken Whillans Square இல் நடைபெறும் சமூகக் கொடி ஏற்றும் நிகழ்வுடன் தொடங்கும். அதன் பின்னர் City Hall Conservatory யில் இலவச வரவேற்பு நிகழ்ச்சி நடைபெறும்.
அல்கோமா பல்கலைக்கழகத்தின் (Algoma University) அநுசரணையுடன் நடைபெறவுள்ள மேற்படி நிகழ்வில் இசை மற்றும் நடன நிகழ்ச்சிகள், சமூக பிரதிநிதிகளின் உரைகள் நிகழ்ச்சி நிரலில் Hugo Straney வழங்கும் தொடக்க மற்றும் நிறைவு உரைகள் இடம்பெறும். மேலும் DeVoy Academy மற்றும் The Wild Geese ஆகியோரின் கலைநிகழ்ச்சிகளும் நடைபெறும். அதனைத் தொடர்ந்து சமூக வரவேற்பு நிகழ்ச்சி நடைபெறும்.
2020 ஆம் ஆண்டு தொடங்கப்பட்ட பிராம்ப்டனின் ஐரிஷ் பாரம்பரிய மாதக் கொண்டாட்டம், ஆண்டுதோறும் வளர்ந்து வருகிறது. பண்பாட்டு நிகழ்ச்சிகளும் பகிரப்பட்ட அனுபவங்களும் மூலம் ஐரிஷ்-கனடியர்களின் பாரம்பரியங்களையும் நீண்டகால பங்களிப்புகளையும் வெளிப்படுத்துகிறது.
ஐரிஷ்-கனடியர்கள் கனடாவின் வரலாற்றை வடிவமைக்க முக்கிய பங்கு வகித்துள்ளனர். ஐரிஷ் பாரம்பரிய மாதம், அந்த பாரம்பரியத்தைப் பற்றி மேலும் அறியவும், பிராம்ப்டனின் பல்துறை பண்பாட்டு பலத்தை கொண்டாடவும் குடியிருப்பாளர்களுக்கு ஒரு சிறந்த வாய்ப்பை வழங்குகிறது.
