விண்ட்சர் (Windsor) எரிபொருள் நிரப்பு நிலையமொன்றில் ஆயுதமேந்திய கொள்ளைச் சம்பவத்துடன் தொடர்புடையதாகத் தேடப்பட்டு வந்த 23 வயதுடைய இளைஞர் ஒருவர், கனடாவை விட்டு வெளியேற முயன்றபோது டொராண்டோ பியர்சன் சர்வதேச விமான நிலையத்தில் (Toronto Pearson International Airport) வைத்து கைது செய்யப்பட்டுள்ளார்.

இந்தக் கொள்ளைச் சம்பவம் 2025 டிசம்பர் 30 அன்று அதிகாலை 1:40 மணியளவில் இடம்பெற்றுள்ளது. முகமூடி அணிந்த இரு சந்தேகநபர்கள் ‘டெகும்சே வீதி கிழக்கு’ (Tecumseh Road East) பகுதியிலுள்ள எரிபொருள் நிரப்பு நிலையத்திற்குள் நுழைந்துள்ளனர். அதில் ஒரு சந்தேகநபர் கத்தியைக் காட்டி மிரட்டி, பணம் மற்றும் பொருட்களைக் கொள்ளையடித்துள்ளார். இச்சம்பவத்தில் எவருக்கும் காயம் ஏற்படவில்லை.

விசாரணை அதிகாரிகள் 2026 ஜூலை 10 அன்று சந்தேகநபர்களில் ஒருவரைத் தொலைபேசி மூலம் தொடர்பு கொண்டு, அவர் மீதான குற்றச்சாட்டுகள் குறித்துத் தெரிவித்துள்ளனர். எனினும், அவர் விசாரணைக்கு ஒத்துழைக்கவோ அல்லது சரணடையவோ மறுத்துள்ளார்.

இதனைத் தொடர்ந்து அடுத்த நாளே, அவர் நாட்டிலிருந்து வெளியேறும் விமானத்தில் ஏற முயன்றபோது பியர்சன் விமான நிலையத்தில் வைத்து கைது செய்யப்பட்டார். பின்னர் விண்ட்சர் பொலிஸார் அவரைத் தங்களின் காவலில் எடுத்தனர்.

குற்றம் சாட்டப்பட்ட நபர் பின்வரும் 13 குற்றச்சாட்டுகளை எதிர்கொள்கிறார்:

• ஆபத்தான ஆயுதத்துடன் கொள்ளையடித்தல் (Robbery with an offensive weapon)

• ஆயுதத்தைக் கொண்டு தாக்குதல் நடத்துதல் (Assault with a weapon)

• வலுக்கட்டாயமாகச் சிறைபிடித்தல் (Forcible confinement)

• கொலை மிரட்டல் விடுத்தல் (Uttering threats)

• குற்றச் செயலின் மூலம் பெறப்பட்ட சொத்துக்களை வைத்திருந்தமைக்கான ஒன்பது குற்றச்சாட்டுகள் (Nine counts of Possession of Property Obtained by Crime)

விசாரணையாளர்கள் இச்சம்பவம் தொடர்பான மேலதிக விபரங்களைத் திரட்டி வருகின்றனர்.

இந்தக் குற்றச்சாட்டுகள் மற்றும் குற்றப்பத்திரிகைகள் இன்னும் நீதிமன்றத்தில் நிரூபிக்கப்படவில்லை என்பதுடன், குற்றம் நிரூபிக்கப்படும் வரை குற்றம் சாட்டப்பட்டவர் நிரபராதியாகவே கருதப்படுவார்.