019-ஆம் ஆண்டு உயிர்த்த ஞாயிறு பயங்கரவாதத் தாக்குதல்கள் தொடர்பான விசாரணைகள் தொடர்பில், முன்னாள் ஜனாதிபதி கோட்டாபய ராஜபக்ச கைது செய்யப்படுவதைத் தடுத்து உத்தரவிடுமாறு கோரி தாக்கல் செய்த ஆணைப்பேராணை (Writ Petition) மனு மீதான தனது உத்தரவை வழங்குவதற்காக மேன்முறையீட்டு நீதிமன்றம் செப்டம்பர் 22-ஆம் திகதியை திங்கட்கிழமை (03) அன்று நிர்ணயித்தது.
அதற்கமைய, இந்த மனுவை முன்னெடுத்துச் செல்வதா அல்லது ஆரம்பத்திலேயே தள்ளுபடி செய்வதா என்பது குறித்து நீதிமன்றம் செப்டம்பர் 22-ஆம் திகதி தீர்ப்பளிக்கும்.
மேன்முறையீட்டு நீதிமன்றத் தலைவர் நீதிபதி ரோஹந்த அபேசூரிய மற்றும் நீதிபதி சரத் திசாநாயக்க ஆகியோர் அடங்கிய இரு நீதிபதிகள் கொண்ட அமர்வு முன்பு இந்த மனு விசாரணைக்கு எடுத்துக்கொள்ளப்பட்ட போது, மனுதாரர் மற்றும் பிரதிவாதிகள் தரப்பு வழக்கறிஞர்கள் தங்களது வாய்வழி சமர்ப்பணங்களை நிறைவு செய்தனர்.
இந்த மனுவில், காவற்துறை மா அதிபர் பிரியந்த வீரசூரிய, குற்றப் புலனாய்வுத் திணைக்களத்தின் (CID) பணிப்பாளர் சாணி அபேசேகர, குற்றப் புலனாய்வுத் திணைக்களத்தின் சிறப்பு விசாரணைப் பிரிவின் பொறுப்பதிகாரி மற்றும் சட்டமா அதிபர் ஆகியோர் பிரதிவாதிகளாகப் பெயரிடப்பட்டுள்ளனர்.
