தாராபுரம்:
தாராபுரம் இடைத்தேர்தல் பிரச்சாரத்தில் ஈடுபட்ட திமுக எம்.பி கனிமொழி, முதலமைச்சர் விஜய்யைச் சரமாரியாக விமர்சித்துப் பேசியுள்ளார்.
அன்புத் தம்பி:
திமுக தலைவர் ஸ்டாலினை முதலமைச்சர் விஜய் ‘ஸ்வீட் அங்கிள்’ என்று குறிப்பிட்டிருந்த நிலையில், அதற்குப் பதிலளித்த கனிமொழி, “இப்போது விஜய் நமக்குச் சொந்தக்காரர் ஆகிவிட்டார்; அவர் ஸ்டாலினை ஸ்வீட் அங்கிள் என்கிறார், அதனால் இனிமேல் நான் அவரை ‘அன்புத் தம்பி’ என்றுதான் அழைப்பேன்” என்று தெரிவித்தார்.
தனுஷே வந்துவிட்டார்:
தொடர்ந்து பேசிய அவர், “இதுவரை தீர்ந்து போன சக்தியாக இருந்த சத்தியபாமா, தவெகவில் சேர்ந்ததால் தங்கை ஆகிவிட்டார். வேலையில்லாத பட்டதாரிகளுக்கு மாதம் 4000 ரூபாய் தருவேன் எனக் கூறி ஆட்சிக்கு வந்த முதலமைச்சர் விஜய் யாருக்கும் தரவில்லை. 4000 ரூபாய் வரவில்லை, ஆனால் ‘வேலையில்லாத பட்டதாரி’ தனுஷே அரசியலுக்கு வந்துவிட்டார்” என்று விமர்சித்தார்.
சினிமா ஷூட்டிங் ஓடாது:
“தம்பி விஜய் அவர்களே, மக்களைத் தொடர்ந்து ஏமாற்றிவிடலாம் என நினைக்க வேண்டாம். இந்த நாடகம், ரீல்ஸ், சினிமா ஷூட்டிங் எல்லாம் தமிழ்நாட்டில் ரொம்ப நாளைக்கு ஓடாது. உண்மையான தீய சக்தி யார் என்று மக்கள் பார்த்துக் கொண்டிருக்கிறார்கள்” என்று கனிமொழி ஆவேசமாகக் கூறினார்.
#Kanimozhi #CMVijay #DMK #TVK #Dharapuram #TNPolitics #BmNews #TamilNews #BreakingNewsTN #TamilNaduNews #LatestNews #TamilNewsLive
