சென்னை
தொகுதி மறுவரையறை மசோதா தொடர்பாக முதலமைச்சர் ஜோசப் விஜய் தலைமையில் நடைபெற்று வரும் அனைத்துக் கட்சி எம்.பி.க்கள் கூட்டத்தை திமுக மற்றும் அதிமுக அதிரடியாகப் புறக்கணித்துள்ள நிலையில், அமைச்சர் ராஜ்மோகன் திமுகவைக் கடுமையாக விமர்சித்துள்ளார்.
மாநில நலனில் அக்கறையில்லை:
சென்னையில் செய்தியாளர்களைச் சந்தித்த அமைச்சர் ராஜ்மோகன், “தொகுதி மறுவரையறை என்பது ஒட்டுமொத்த தமிழ்நாட்டின் உரிமை மற்றும் மாநில நலன் சார்ந்த மிக முக்கியமான பிரச்சினையாகும். இத்தகைய கூட்டத்தில் பங்கேற்காமல் புறக்கணிப்பது முற்றிலும் முறையற்றது. இதன் மூலம் திமுக மற்றும் அதிமுகவுக்கு மாநில நலனில் சிறிதும் அக்கறை இல்லை என்பது வெளிச்சத்திற்கு வந்துள்ளது,” எனக் குற்றஞ்சாட்டினார்.
தைரியமில்லாமல் பதுங்குவது ஏன்?:
மேலும், “ஆரம்பம் முதலே தொகுதி மறுவரையறை விவகாரத்தில் தமிழகத்தின் உரிமைகளுக்காக நாங்கள் தொடர்ந்து குரல் கொடுத்து வருகிறோம்; இதில் எங்களுக்கு எப்போதுமே இரட்டை நிலைப்பாடு கிடையாது. ஆனால், ஆரம்பத்தில் இந்த வரைவு நகல்களை எரித்து நாடகமாடிய திமுகவினர், இப்போது கூட்டத்தில் கலந்துகொண்டு பேசத் தைரியமில்லாமல் பதுங்குவது ஏன்?” என்று சரமாரியாகக் கேள்வி எழுப்பினார்.
சுயநல அரசியல் செய்யும் திமுக:
காவிரி விவகாரம் குறித்துப் பேசிய அவர், “தமிழகத்தின் வாழ்வாதாரப் பிரச்சனையான காவிரி விவகாரத்தைக் கையில் எடுத்து திமுகவினர் சுயநல அரசியல் செய்யப் பார்க்கிறார்கள். அரசின் இந்த ஆக்கப்பூர்வமான கூட்டத்தைக் கொச்சைப்படுத்தவும், மக்களின் கவனத்தைத் திசைதிருப்பவுமே கனிமொழி எம்.பி முயல்கிறார். ஆனால், காவிரி விவகாரத்தை யாராலும் திசை திருப்ப முடியாது என்பதில் நாங்கள் மிகவும் உறுதியாக இருக்கிறோம்” என அமைச்சர் ராஜ்மோகன் ஆணித்தரமாகத் தெரிவித்தார்.
#DelimitationBill #MinisterRajmohan #TNMPsMeeting #ChiefMinisterVijay #ThalapathyVijay #TVKGovernment #DMK #AIADMK #KanimozhiMP #TNPolitics #TamilNaduNews #Chennai #ViralNews #LatestNewsTN #TrendingTN #PoliticalUpdatesTN
