சென்னை:
தாய்மாமன் தங்க மோதிரம் திட்டம் பெண்களின் மீதான முதல்வர் விஜய்யின் அன்பின் வெளிப்பாடு எனத் தவெக நிர்வாகி ஜே.சி.டி. பிரபாகர் தெரிவித்துள்ளார்.
அன்பின் வெளிப்பாடு:
முதலமைச்சர் விஜய் மதுரையில் ‘தாய்மாமன் தங்க மோதிரம்’ திட்டத்தைத் தொடங்கி வைத்ததைத் தொடர்ந்து செய்தியாளர்களிடம் பேசிய ஜே.சி.டி. பிரபாகர், “இந்தத் திட்டம் தமிழகப் பெண்களின் மீது முதலமைச்சர் விஜய் வைத்துள்ள அதீத அன்பின் வெளிப்பாடு. ஏழை எளிய தாய்மார்களைத் தன் சொந்தச் சகோதரிகளாக பாவித்து இந்தத் திட்டத்தை அவர் அறிமுகப்படுத்தியுள்ளார்” என்று நெகிழ்ச்சியுடன் தெரிவித்தார்.
சொன்னதைச் செய்யும் அரசு:
மேலும், “முந்தைய ஆட்சிகளில் பல திட்டங்கள் வெற்று அறிவிப்புகளாகவே இருந்தன. ஆனால் தவெக அரசு சொன்னதைச் செய்யும் அரசு என்பதற்கு இந்தத் திட்டமே சாட்சி. எதிர்க்கட்சிகளான திமுகவும் அதிமுகவும் இந்தத் திட்டத்தைப் பார்த்துப் பொறாமையில் பல்வேறு விமர்சனங்களை முன்வைக்கின்றன” என்றார்.
வரவேற்பு:
“தமிழக மக்கள், குறிப்பாகப் பெண்கள் மத்தியில் இத்திட்டம் மிகப்பெரிய வரவேற்பைப் பெற்றுள்ளது. இதன் மூலம் தமிழக அரசியல் வரலாற்றில் ஒரு புதிய சகாப்தத்தை முதலமைச்சர் விஜய் படைத்துள்ளார்” எனவும் ஜே.சி.டி. பிரபாகர் பெருமிதம் தெரிவித்தார்.
#JCDPrabhakar #CMVijay #ThaimamanThangaMothiram #TVK #TNPolitics #BmNews #TamilNews #BreakingNewsTN #TamilNaduNews #LatestNews #TamilNewsLive
