ஜனநாயகன் இசை வெளியீட்டு விழாவிற்கு தனுஷ் வருகை தர இருக்கிறாராம். அதைப்போல பராசக்தி விழாவிற்கு வருகை தரப்போகும் சிறப்பு விருந்தினர் யார் என்பது குறித்தும் பேச்சுக்கள் கோலிவுட் வட்டாரத்தில் பரபரப்பாக பேசப்பட்டு வருகின்றது

விஜய் நடித்திருக்கும் ஜனநாயகன் திரைப்படத்தின் இசை வெளியீட்டு விழா பற்றிய செய்திகள் தான் கோலிவுட் வட்டாரத்தில் பரவலாக பேசப்பட்டு வருகின்றது. விஜய்யின் கடைசி படத்தின் இசை வெளியீட்டு விழா தமிழகத்தில் இல்லாமல் மலேசியாவில் தான் நடைபெற இருப்பதாக படக்குழு அதிகாரபூர்வமாக அறிவித்தது.

டிசம்பர் 27 இவ்விழா மலேசியாவில் மிக பிரம்மாண்டமான முறையில் நடைபெறவுள்ளதாம். இதற்கான வேலைகள் பரபரப்பாக போய்க்கொண்டு இருக்க தற்போது ஜனநாயகன் இசை வெளியீட்டு விழாவில் சிறப்பு விருந்தினராக கலந்துகொள்ளப்போவது யார் ? என்ற கேள்வியும் எதிர்பார்ப்பும் எழுந்துள்ளது.

இந்தியாவில் சாலை முடியும் இடம் எது தெரியுமா? ராமாயணத்தில் குறிப்பிடப்பட்ட அதிசயம்!
தற்போது கிடைத்த தகவலின்படி பலரும் தனுஷ் இவ்விழாவில் கலந்துகொள்ள வாய்ப்புள்ளதாக சொல்கின்றனர். ஹெச்.வினோத்தின் அடுத்த பட ஹீரோ தனுஷ் தான். எனவே அதன் அடிப்படையில் தனுஷ் இவ்விழாவில் கலந்துகொள்ள வாய்ப்பிருப்பதாக சொல்கின்றனர். ஆனால் இது உண்மையான தகவலா ? இல்லையா ? என்பது தெரியவில்லை.

இந்த தகவல் ஒருபக்கம் இருக்க மறுபக்கம் ஜனநாயகன்படத்தோடு பொங்கலுக்கு வெளியாகப்போகும் பராசக்தி இசை வெளியீட்டு விழா பற்றியும் செய்திகள் வந்த வண்ணம் உள்ளன. சிவகார்த்திகேயனின் பராசக்தி திரைப்படத்தின் இசை வெளியீட்டு விழா திருச்சியில் நடைபெற இருப்பதாக தெரிகின்றது. ஜனவரி முதல் வாரத்தில் பராசக்தி இசை வெளியீட்டு விழா நடைபெறுமாம்.

இந்நிலையில் ஜனநாயகன் இசை வெளியீட்டு விழாவிற்கு தனுஷ் சிறப்பு விருந்தினராக வந்தால் பராசக்தி விழாவிற்கு யார் சிறப்பு விருந்தினராக வருவார் ? என்ற கேள்வியும் ரசிகர்கள் மத்தியில் எழுந்திருக்கிறது. பராசக்தி திரைப்படத்தை ரெட் ஜெயண்ட் நிறுவனம் தான் வாங்கி வெளியிடுகின்றது. படத்தை அவர்கள் தான் ப்ரோமோஷனும் செய்வார்கள் என தெரிகின்றது.

கமல்ஹாசன்ரெட் ஜெயண்ட் நிறுவனத்துடன் நெருக்கமாக இருப்பதால் அவர் பராசக்தி விழாவிற்கு சிறப்பு விருந்தினராக வருவாரா ? என்ற எதிர்பார்ப்பும் ரசிகர்கள் மத்தியில் உள்ளது. ஆனால் இதெல்லாம் வெறும் யுகங்கள் தானே தவிர உண்மையான தகவலாக தெரியவில்லை. படக்குழுவோ படம் தொடர்புடையவர்களோ அதிகாரப்பூர்வமாக அறிவிக்கும் வரை இத்தகவல்கள் உறுதியான தகவல்களா ? என்பது தெரியாது.

இந்நிலையில் பராசக்தி மற்றும் ஜனநாயகன் ஆகிய திரைப்படங்கள் வெளியாக இன்னும் ஒரு மாதத்திற்கு மேல் டைம் இருக்கின்றது. அதற்குள் கோலிவுட் வட்டத்தில் இவ்விரு படங்கள் தொடர்பாக பரபரப்பாக பேசப்பட்டு வருகின்றது. சோஷியல் மீடியாவில் ஜனநாயகன் vs பராசக்தி மோதல்கள் தான் போய்க்கொண்டு இருக்கின்றது.

அதுவும் இது விஜய்யின் கடைசி படம் என்பதாலும், பராசக்தி திரைப்படத்தை ரெட் ஜெயண்ட் நிறுவனம் வெளியிடுகிறார்கள் என்பதாலும் இதை அரசியல் ரீதியாகவும் சிலர் பார்க்கின்றனர். எது எப்படியோ நாளுக்கு நாள் ஜனநாயகன் vs பராசக்திபடங்களை பற்றிய பேச்சுக்கள் பரபரப்பாக போய்க்கொண்டு இருக்கின்றது. கண்டிப்பாக பொங்கல் பண்டிகையை முன்னிட்டு இப்படங்களுக்கு இடையே பலத்த போட்டி நிலவும் என்றே தெரிகின்றது.