உலகின் முன்னணி அழகு சாதன நிறுவனமான ‘எஸ்டி லாடர்’ (Estée Lauder), நாட்டின் சுற்றுச்சூழல் பாதுகாப்புச் சட்டத்தை மீறியதற்காகச் சுமார் 7.5 லட்சம் டாலர் (750,000) அபராதம் செலுத்த வேண்டும் என நீதிமன்றம் உத்தரவிட்டுள்ளது.
தனது கண் மை (Eyeliner) தயாரிப்புகளில் மத்திய அரசுக்குத் தெரிவிக்காமல் ஆபத்தான ரசாயனங்களைப் பயன்படுத்தியதை அந்த நிறுவனம் ஒப்புக்கொண்டுள்ளது.
நாட்டின் சுற்றுச்சூழல் அதிகாரிகள் நடத்திய சோதனையில், எஸ்டி லாடர் நிறுவனத்தின் சில கண் மை தயாரிப்புகளில் ‘பெர்ஃப்ளூரோநோனைல் டைமெதிகோன்’ (Perfluorononyl Dimethicone) என்ற இரசாயனம் இருப்பது கண்டறியப்பட்டது.
இந்த ரசாயனம் PFAS எனப்படும் ‘ஃபாரெவர் கெமிக்கல்ஸ்’ வகையைச் சேர்ந்தது.
இவை மனித உடலிலோ அல்லது சுற்றுச்சூழலிலோ எளிதில் சிதைவடையாது எனத் தெரிவிக்கப்பட்டுள்ளது.
நாட்டின் சட்டப்படி, இத்தகைய இரசாயனங்களை இறக்குமதி செய்யவோ அல்லது விற்கவோ முன்னதாக, மத்திய அரசாங்கத்திடம் அனுமதி பெற்று அதன் பாதிப்புகளை ஆய்வு செய்ய வேண்டும்.
ஆனால், எஸ்டி லாடர் நிறுவனம் இந்த விதியை மீறியுள்ளமை குறிப்பிடத்தக்கது.
