தமிழ் விக்கிப்பீடியாவின் (Tamil Wikipedia) தோற்றுவிப்பாளரும், பிரபல கட்டடக் கலைஞருமான மயூரநாதன் (Architect Mayooranathan) அவர்களினால் எழுதப்பட்ட “The Development History of Jaffna City (1621–1948)” (யாழ்ப்பாண நகரத்தின் வளர்ச்சி வரலாறு) என்ற வரலாற்றுச் சிறப்புமிக்க ஆய்வு நூலின் வெளியீட்டு விழாவும், திறனாய்வு நிகழ்வும் நேற்றைய தினம் (மே 24) கனடாவில் மிக விமரிசையாக நடைபெற்றது.

கனடாவின் ஒன்ராறியோ மாகாணம், ஸ்கார்பரோ சிவிக் சென்டரில் (Scarborough Civic Centre) அமைந்துள்ள ‘கவுன்சில் சேம்பர்ஸ்’ (Council Chambers) மண்டபத்தில் நேற்று ஞாயிற்றுக்கிழமை பிற்பகல் 2:00 மணியளவில் இந்நிகழ்வு ஆரம்பமாகியது.

இந்நூல், கி.பி 1621 ஆம் ஆண்டு முதல் 17 ஆம் நூற்றாண்டு முதல் 20 ஆம் நூற்றாண்டின் நடுப்பகுதி வரையான (1621-1948) யாழ்ப்பாண நகரத்தின் வரலாற்றுப் பயணம், நகரக் கட்டமைப்பு மற்றும் அதன் நகர்ப்புறப் பரிணாம வளர்ச்சி (Urban evolution) குறித்த ஆழமான மற்றும் நுண்ணறிவுமிக்க வரலாற்றுத் தகவல்களை உள்ளடக்கிய ஒரு முக்கிய கல்விசார் ஆய்வுப் படைப்பாகும்.

ஒரே மேடையில் இணைந்த தமிழ் அமைப்புகள்:
‘ஓராயம்  அமையம்  ‘ (Oraayam Foundation) நிறுவனத்தினால் ஏற்பாடு செய்யப்பட்டிருந்த இவ் வரலாற்றுச் சிறப்புமிக்க நிகழ்விற்குப் புலம் பெயர் தமிழ் மக்கள், பல்கலைக்கழகப் பேராசிரியர்கள், வரலாற்று ஆய்வாளர்கள், பழைய மாணவர் சங்கங்களின் பிரதிநிதிகள் மற்றும் தமிழ் பாரம்பரிய ஆர்வலர்கள் எனப் பலரும் திரளாகக் கலந்துகொண்டிருந்தனர்.

இவ் ஆய்வு நூல் வெளியீட்டு விழாவிற்கு கனடாவிலுள்ள பல முன்னணித் தமிழ் கல்வி மற்றும் சமூக அமைப்புகள் தங்களது முழுமையான பேராதரவை வழங்கியிருந்தன. அந்த அமைப்புகளின் விபரம் வருமாறு:

மொறட்டுவ பல்கலைக்கழக தமிழ் பழைய மாணவர் சங்கம் – கனடா (UMTAAC)

யாழ்ப்பாணம் வைத்தீஸ்வராக் கல்லூரி பழைய மாணவர் சங்கம் – கனடா

ஸ்டௌவில் தமிழ்ச் சங்கம் (Stouffville Tamils’ Association)

ரொறன்ரோ தமிழ் புத்தகக் கண்காட்சி (Toronto Tamil Book Fair)

கனடியத் தமிழ்ச் சங்கம் (Canadian Tamil Sangam)

படிமுறைத் தமிழ் ஒன்றியம் (Padimurai Tamil Federation)

தமிழ் இலக்கியத் தோட்டம் (Tamil Literary Garden)

யாழ்ப்பாணப் பல்கலைக்கழக பழைய மாணவர் சங்கம் – கனடா

இலங்கைப் பட்டதாரிகள் சங்கம் – கனடா (ASLGC)

யாழ்ப்பாணம் இந்துக் கல்லூரிச் சங்கம் – கனடா

ஈழத் தமிழர்களின் மிக முக்கிய வரலாற்று ஆவணமாகக் கருதப்படும் இந்நூல் வெளியீடானது, புலம்பெயர் வாழ் தமிழ் மக்களிடையேயும் இளந்தலைமுறையினரிடையேயும் யாழ்ப்பாணத்தின் பூர்வீக நகரக் கட்டமைப்பு மற்றும் அதன் சமூக வரலாற்றுப் பின்னணி குறித்த புரிதலை மேலும் ஆழப்படுத்தியுள்ளதாகப் பாராட்டுக்கள் தெரிவிக்கப்பட்டு வருகின்றமை குறிப்பிடத்தக்கது.